უაკ: 681.142
დამხმარე სახელმძღვანელოში განხილულია: ციფრული ელექტრონიკის მოქმედების პრინციპები; ციფრული სქემების საბაზო ელემენტები და მათი ჩართვის სტანდარტული სქემები; სქემატექნიკური მოდელირების პროგრამა Multisim-ის მოკლე აღწერა, ამ პროგრამის კომპონენტების ბიბლიოთეკაში არსებულ SN74, CD4000, CD4500 სერიებში შემავალი როგორც საშუალო, ისე დიდი ინტეგრაციის ზოგიერთი ციფრული ინტეგრალური მიკროსქემის გამომყვანების დანიშნულება და ამ სქემების მოქმედების პრინციპის აღწერა; ციფრული ინტეგრალური მიკროსქემების გამოყენებით როგორც მარტივი, ისე რთული ციფრული მოწყობილობების დაპროექტების საკითხები; აღწერილია ტიპური ფუნქციური კვანძებისა და პროგრამირებადი ლოგიკური მატრიცების გამოყენების საკითხები; განხილულია სპეციალური სქემები, მეხსიერების სახეები და ციფრულ-ანალოგური სქემები; აღწერილია ზოგიერთი გადამწოდის მოქმედების პრინციპი და მათი გამოყენების მაგალითები; განხილულია როგორც ციფრული, ისე ასოითი და სხვა სახის ინფორმაციის აღმქმელი მოწყობილობები და სხვ. დამხმარე სახელმძღვანელო შედგენილია ინფორმატიკისა და მართვის სისტემების ფაკულტეტის, კომპიუტერული ინჟინერიის დეპარტამენტის ბაკალავრიატის სტუდენტებისათვის შესაბამისი სილაბუსის მიხედვით. იგი აგრეთვე გამოადგება ამავე სპეცილობის მაგისტრანტებსა და მკითხველთა იმ წრეს, რომლებიც დაინტერესებული არიან ციფრული მოწყობილობის და პროექტირების საკითხებით.
უაკ: 631.82
მინერალური სასუქებისა და სოდაპროდუქტების ტექნოლოგიის ქართულ ენაზე გამოცემული სახელმძღვანელო ბიბლიოგრაფიული იშვიათობაა, ამიტომ აუცილებლად მივიჩნიეთ წინამდებარე დამხმარე სახელმძღვანელოს შექმნა. იგი განკუთვნილია საქართველოს ტექნიკური უნივერსიტეტის ქიმიური ტექნოლოგიისა და მეტალურგიის ფაკულტეტის არაორგანულ ნივთიერებათა და საყოფაცხოვრებო ქიმიის პროდუქტების ტექნოლოგიის მიმართულების ბაკალავრებისა და მაგისტრანტებისათვის. დამხმარე სახელმძღვანელო გამოადგებათ მინერალური სასუქებისა და არაორგანული ნაერთების წარმოების სფეროში მომუშავე სპეციალისტებსაც, რადგან მასში შეტანილია თანამედროვე, მეცნიერული კვლევების საფუძველზე მიღებული, ტექნოლოგიური სიახლეები.
უაკ: 65(520)
სახელმძღვანელოში გადმოცემულია Microsoft Visual Studio .NET გარემოში პროგრამების შემუშავების საკითხები. დაწვრილებითაა განხილული C++ ენის საფუძვლები, მონაცემთა ტიპები, მმართველი ოპერატორები, სტრუქტურირებული ტიპები. გადმოცემულია ობიექტზე ორიენტირებული დაპროგრამების პრინციპები: ინკაფსულაცია, პოლიმორფიზმი და მემკვიდრეობითობა. განხილულია განსაკუთრებული სიტუაციები, ფაილებთან და კატალოგებთან მუშაობისა და CLI დაპროგრამების საკითხები. წიგნში უხვადაა მაგალითები და ამოცანები ამოხსნებით.განკუთვნილია კომპიუტერული სისტემებისა და ქსელების სპეციალობის ბაკალავრებისა და მაგისტრებისათვის, აგრეთვე, დაპროგრამების შესწავლის ნებისმიერი მსურველისათვის.
უაკ: 621.791.035
ნაშრომში განხილულია გაზის ტექნიკის ძირითადი სიდიდეები, მათი განსაზღვრებები, ხელსაწყო-დანადგარები და მათი მუშაობის პრინციპები.ნაშრომი განკუთვნილია თბოაირმომარაგების და ვენტილაციის დარგის სტუდენტებისთვის და ამ დარგში მომუშავე პრაქტიკოს სპეციალისტებისთვის.
უაკ: 62-5
პროექტების მართვა წარმოადგენს საქმიანობის სხვადასხვა სფეროში თანამედროვე მენეჯმენტის განხორციელების ეფექტურ ინსტრუმენტს. შემოთავაზებული კურსი განკუთვნილია პროექტების მართვის თეორიული საფუძვლების საკითხების პრაქტიკაში გამოყენების ცოდნის და უნარ-ჩვევების შესაძენად. მისი მიზანია პროექტების დაგეგმვის მართვის საკითხების პრაქტიკული შესწავლა, იმ აქტუალური პროგრამული უზრუნველყოფის ასათვისებლად, რომელიც მართვის გადაწყვეტილებების მხარდაჭერის და რეალიზაციისათვის გამოიყენება.მეთოდური მითითებების ამოცანაა სტუდენტებისათვის MS Project-ის პაკეტის პროგრამული გარემოს და ინსტრუმენტარიის შესწავლა, დაგეგმვის რეალური უნარების შეძენა ორგანიზაციებში პროექტების დაგეგმვის და მართვის ამოცანების პრაქტიკული რეალიზაციისათვის.კურსი განკუთვნილია Microsoft Office Project 2007 გარემოში პროექტების მართვის ტექნოლოგიის იმ ძირითადი ეტაპების ასათვისებლად, როგორიცაა: რესურსების და ამოცანების დაგეგმვა, პროექტის ანალიზი, მისი მიმდინარეობის დაკვირვება და სხვ.ლაბორატორიული სამუშაოების ამოცანების განლაგება შეესაბამება პროექტების მართვის ეტაპების თანამიმდევრობას. ლაბორატორიული სამუშაოების მასალა მოიცავს: MS Project-ის ცხრილების ტიპების და ქსელური დიაგრამების სახეების გაცნობას, ქსელური დიაგრამების, განტის დიაგრამის აგებას; რესურსების დიაგრამაზე საპროექტო მონაცემების რედაქტირებას, ამოცანებისა და რესურსების გამოყენების დიაგრამის აგებას და ა.შ. ლაბორატორიული სამუშაოების ჩატარება სარეცენზიო დამხმარე მეთოდური მასალების გამოყენებით ხელს შეუწყობს MS Project პროგრამაზე მუშაობისას მიღებული ცოდნის და პროფესიული ჩვევების ფორმირებას პრაქტიკული გამოყენებისათვის.
უაკ: 681.322
განხილულია მონაცემთა ბაზების დაპროექტების საკითხები, მათი შექმნის და გამოყენების საშუალებები, რომლებიც Microsoft Access პროგრამაშია რეალიზებული. მოცემულია ბაზის ძირითადი ობიექტების – ცხრილების, მოთხოვნების, ფორმების და ანგარიშების როგორც აგების, ისე რედაქტირების და მართვის წესები, რაც ილუსტრირებულია მაგალითების და სავარჯიშოების სახით. განკუთვნილია სტუდენტებისა და სხვადასხვა დარგში მომუშავე სპეციალისტებისათვის, რომლებიც თავიანთ საქმიანობაში იყენებენ Microsoft Access პაკეტში შემავალ კომპიუტერულ ტექნოლოგიებს.
უაკ: 621.86
განხილულია სამრეწველო საწარმოთა მექანიზაციის მოწყობილობების ფუნქციური დანიშნულება, მათი ტექნოლოგიური და კინემატიკური გაანგარიშების თეორიული საფუძვლები. განკუთვნილია „წარმოების მექანიზაციის საშუალებების“ პრაქტიკული სამუშაოების შესასრულებლად მანქანათმშენებლობის დეპარტამენტის ბაკალავრიატის სტუდენტებისათვის. აგრეთვე გამოადგება პროფესიული სწავლების სტუდენტებს, მაგისტრანტებსა და ინჟინერ-ტექნიკურ პერსონალს.
უაკ: 5393 (075)
დამხმარე სახელმძღვანელოში ჩვეულებრივი დიფერენციალური განტოლებების გამოყენებით, მიღებულია სწორკუთხა ფორმის განივკვეთიანი პრიზმული ღეროების გრეხის და ღუნვის ამოცანების ზუსტი ანალიზური ამოხსნები, რომლებიც მიუღწევლად იყო მიჩნეული კლასიკურ დრეკადობის თეორიაში.აღნიშნული თეორიით ორმაგი სიმრუდის დამრეცი თხელი გარსების გაანგარიშებისას გათვალისწინებულია ძვრის ძალების გავლენა, რაც გარსთა კლასიკურ თეორიაში უგულებელყოფილია სასაზღვრო პირობების არასრულყოფილების გამო.მხები ძაბვების გაუთვალისწინებლობის გამო დადგენილია მცდარობა ფილების თეორიაში დაკანონებული ცნებისა სწორკუთხა ფორმის ფილის ე.წ. „სუფთა ღუნვის“ შესახებ.ნაჩვენებია ჩვეულებრივ დიფერენციალურ განტოლებების გამოყენებით დრეკადობის თეორიის უპირატესობა კლასიკურ დრეკადობის თეორიასთან შედარებით, დრეკად ფუძეზე მდებარე და კონტურით ხისტად ჩამაგრებული ფილების გაანგარიშების მაგალითზე.წიგნი ძირითადად განკუთვნილია უმაღლესი ტექნიკური სასწავლებლის მაგისტრანტებისათვის. იგი კარგ სამსახურს გაუწევს დოქტორანტებს და სპეციალისტებს, რომლებიც დაინტერესებულნი არიან ნაგებობათა სიმტკიცის პრობლემების შესწავლით.
უაკ: 008
განხილულია Microsoft Office PowerPoint 2007 საპრეზენტაციო პროგრამაში მუშაობის საკითხები, მათი შექმნის და გამოყენების საშუალებები. დეტალურადაა განხილული PowerPoint-ის მენიუს თითოეული ბრძანებისა და ინსტრუმენტთა პანელის ღილაკების დანიშნულება, პრეზენტაციის შექმნისა და რედაქტირების საშუალებანი. სახელმძღვანელო განკუთვნილია სტუდენტების, მაგისტრანტებისა და ინფორმატიკის შესწავლით დაინტერესებული სხვადასხვა დარგში მომუშავე სპეციალისტებისათვის, რომლებიც თავიანთ საქმიანობაში იყენებენ Microsoft Office PowerPoint 2007 საპრეზენტაციო პროგრამას.