უაკ: 681.3.04
სახელმძღვანელო ეძღვნება კოდებსა და ნიშნებს არქიტექტურაში, თუმცა არ განიხილავს მათ უძველესი პერიოდიდან, არამედ ფოკუსირებას ახდენს მოქმედ სისტემებზე, წარმოაჩენს მათ ისტორიულ წანამძღვრებს და ადგილს უთმობს მათი მნიშვნელობის აღწერას. კოდებისა და ნიშნების თემა კარგადაა გაშუქებული მსოფლიო ლიტერატურაში, ავტორთათვის მისაწვდომმა უხვმა მასალამ განაპირობა ამ სახელმძღვანელოს დაწერა ქართველი საზოგადოებისთვის, რაც პირველი მოკრძალებული მცდელობაა ქართულ ლიტერატურაში აღნიშნული საკითხის ცალკე წიგნად გაშუქების.
სახელმძღვანელო განკუთვნილია სტუ-ის არქიტექტურის, ურბანისტიკისა და დიზაინის ფაკულტეტის მაგისტრატურისა და მომიჯნავე სპეციალობის სტუდენტებისთვის, მოქმედი არქიტექტორებისთვის, ხელოვნებათმცოდნეებისთვის, თანამედროვე არქიტექტურის თეორიით დაინტერესებულთათვის და მკითხველთა ფართო წრისათვის.
უაკ: 681.3
განიხილება ნეირონული ქსელების ცნობილი ტიპების დაპროექტების, სწავლების, ანალიზისა და მოდელირების საკითხები MATLAB სისტემაში Neural Networks Toolbox (NNT) პაკეტის გამოყენებით.
სახელმძღვანელო მომზადებულია საქართველოს ტექნიკური უნივერსიტეტის ინფორმატიკისა და მართვის სისტემების ფაკულტეტის კომპიუტერული ინჟინერიის დეპარტამენტში და განკუთვნილია ამ უნივერსიტეტის ბაკალავრიატის სტუდენტებისათვის „ნეიროქსელური ტექნოლოგიების“ შესწავლისას მაინორის სახით. იგი სასარგებლო შეიძლება ასევე აღმოჩნდეს „ნეიროკომპიუტერული სისტემების“ „ხელოვნური ინტელექტის სისტემებისა“ და „სისტემური პროგრამული უზრუნველყოფის“ დისციპლინათა შესწავლისას სხვა სპეციალობის სტუდენტებისათვისაც.
უაკ: 338.46
უკანასკნელ წლებში მომსახურება თანდათან იქცა სულ უფრო მზარდი რაოდენობის ადამიანთა შრომის მნიშვნელოვან შედეგად, ხოლო მომსახურების მიღება ადამიანების მოთხოვნილებათა დაკმაყოფილების ყველაზე მეტად გავრცელებულ საშუალებად. ეკონომიკის განვითარების თანამედროვე პერიოდს ხშირად „მომსახურების ეკონომიკად“ განსაზღვრავენ.
მოცემულ სახელმძღვანელოში განხილულია: მომსახურების არსი და მისი ადგილი ეკონომიკურ სისტემაში; მომსახურების წარმოების მიზნები; მომსახურების წარმოების რესურსები; მარკეტინგის თავისებურებები მომსახურების სფეროში; ინოვაციები მომსახურების სფეროში; მარკეტინგის სტრატეგიული მართვის საფუძვლები; ფასთწარმოქმნა მომსახურების სფეროს ორგანიზაციებში; კონკურენტული უპირატესობის ფორმირების თავისებურებები და ა. შ.
ნაშრომი მომზადებულია უმაღლესი საუნივერსიტეტო განათლების სტანდარტების მოთხოვნების შესაბამისად. წარმოდგენილი თეორიული მასალა და პრაქტიკული სავარჯიშოები, რომლებიც ქართველი და უცხოელი სპეციალისტების დიდ გამოცდილებას ეყრდნობა, ვფიქრობთ, კარგი დამხმარე იქნება მომსახურების სფეროში მენეჯმენტით დაინტერესებული ბაკალავრიატისა და მაგისტრატურის სტუდენტებისთვის, ასევე პროფესორ-მასწავლებლებისათვის, მომსახურების სფეროს ორგანიზაციების ხელმძღვანელებისა და ამ საკითხებით დაინტერესებული მკითხველთა ფართო წრისათვის.
უაკ: 669.187
სახელმძღვანელოში მოყვანილია ფოლადის მსოფლიო წარმოების უახლესი მონაცემები.
განხილულია ელექტროღუმლების კლასიფიკაციის ძირითადი კრიტერიუმები. მოცემულია ღუმლების აღწერა როგორიცაა წინაღობის, ინდუქციური, რკალური, პლაზმური, ზემძლავრი ელექტრორკალური ღუმლები და ელექტრონულ-სხივური დნობის დანადგარები.
მოცემულ წიგნში განსაკუთრებული ყურადღება ენიჭება ფოლადის დნობის ელექტრორკალურ პროცესს და დანადგარებს, როგორც მსოფლიოში ყველაზე გავრცელებულ და წარმატებულ ტექნოლოგიას ელექტროფოლადის წარმოებაში. განხილულია ელექტრორკალური პროცესის ჩამოყალიბების ისტორილი ეტაპები. მოცემულია ელექტრორკალური ღუმლის კონსტრუქცია და ძირითადი მოწყობილობა, დამხმარე მოწყობილობა-დანადგარები, გამავალი აირების გაწმენდის სისტემები.
მოცემულია ელექტრორკალური ღუმლის ელექტრომოწყობილობა, აღწერილია ელექტრული რეჟიმი თავისი ავტომატური რეგულირებით და თხევადი ლითონის ელექტრომაგნიტური ამრევის შესა-ძლებლობით.
დაწვრილებით აღწერილია ღუმლების მუშაობა – ჩატვირთვის ოპტიმალური პირობები, დნობის პერიოდი, დნობა დაჟანგვით, ერთწიდიანი პროცესი, ნარჩენების გადადნობა.
მოცემულია პროცესების აღწერა მუდმივი დენის ელექტროფოლადსადნობ ღუმლებში. ნაჩვენებია ამ პროცესის უპირატესობები და წარმატებული პერსპექტივა თანამედროვე მეტალურგიაში.
მეტალურგიის მდიდარი ნედლეულის ბაზის საკმაოდ მწვავე დეფიციტის პირობების გათვალისწინებით განხილულია ელექტრორკალურ პროცესებში მეტალიზებული დანაჭროვნებული მადნური კონცენტრატების გამოყენების ტექნოლოგიები.
ინდუქციურ ღუმლებში ფოლადის მიღების ნაწილში მოცემულია ღუმლის მოწყობილობა, ფო-ლადის დნობის პერიოდები.განხილულია ელერქტრომეტალურგიის გარემოს დაცვის სპეციფიკა.
სახელმძღვანელო განკუთვნილია უმაღლესი ტექნიკური სასწავლებლის მეტალურგიული და სამთო-გეოლოგიური სპეციალობის სტუდენტებისთვის, იგი გამოადგება აგრეთვე მაგისტრანტებს, დოქტორანტებს და სპეციალისტებს მეტალურგიის საწარმოებში, საპროექტო და სამიცნიერო-კვლევით დაწესებულებებში.
წიგნი არის უხვად ილუსტრირებული და მომზადებულია როგორც სალექციო კურსის წასაკითხად, აგრეთვე პრეზენტაციებისთვის ფართო აუდიტორიის წინაშე.
უაკ: 621.34
სახელმძღვანელოში განხილულია ტექნიკური დიაგნოსტიკის მეთოდები - ნაწილობრივი განმუხტვების მეთოდი, ვიბროდიაგნოსტიკა, სპექტრული მეთოდი, ძრავას სტატორის დენის სპექტრული ანალიზი, აგრეთვე ამ მეთოდებთან დაკავშირებული ტექნიკური საშუალებების გამოყენების მაგალითები. დამხმარე სახელმძღვანელო მოიცავს აგრეთვე ვიბრომეტრიის ელემენტებს, ვიბრომზომი ხელსაწყოების და კომპლექსების აღწერილობას, მათი გამოყენების მეთოდოლოგიას.
წიგნი შედგენილია ელექტროტექნიკური პროფილის საბაკალავრო და სამაგისტრო პროგრამების მიხედვით. ის განკუთვნილია ენერგეტიკის ფაკულტეტის სტუდენტებისათვის, ისარგებლებენ წარმოებაში დასაქმებული სპეციალისტებიც.
უაკ: 627.78
სახელმძღვანელოში განხილულია პორტების სატრანსპორტო-ეკონომიკური მახასიათებლები, საზღვაო პორტების განვითარების ტენდენციები და პერსპექტივები, პორტების განვითარების განმსაზღვრელი ბუნებრივი სანაპირო რეჟიმები, ნაპირდაცვისა და გარემოს დაცვის საკითხები, საქართველოს პორტების მონაცემები; პორტებისა და საზღვაო არხების შემადგენელი ჰიდროტექნიკური ნაგებობების დაგეგმარებისა და დაპროექტების ძირითადი პრინციპები, მონაცემები პორტების ფუნქციონირებისთვის აუცილებელი სხვადასხვა კომუნიკაციის შესახებ.
გამოცემა განკუთვნილია უმაღლესი სასწავლებლების სამშენებლო ფაკულტეტის როგორც ბაკალავრიატის, ისე მაგისტრატურისა და დოქტორანტურის სტდენტებისათვის.
უაკ: 621.31-21
სახელმძღვანელო შედგენილია „თბოელექტროსადგურების“ ლექციების კურსის საფუძველზე, რომელიც წლების განმავლობაში ეკითხებოდა ენერგეტიკის ფაკულტეტის სტუდენტებს საქართველოს ტექნიკურ უნივერსიტეტში.
სახელმძღვანელო ფოკუსირებულია თბოელექტროსადგურების ტექნოლოგიურ და საინჟინრო საკითხებზე, მათი დაგეგმარების ტექნიკურ ასპექტებსა და მუშაობის ეფექტიანობის ანალიზზე.
სახელმძღვანელო განკუთვნილია თბო- და ელექტროინჟინერიის სპეციალობის სტუდენტებისთვის, მექანიკოსებისთვის, ენერგეტიკის სხვა საინჟინრო დისციპლინების სპეციალისტებისა და გამოყენებითი მეცნიერებების მკვლევართათვის. მასში განხილულია ორგანულ სათბობზე მომუშავე რენკინის, ბრაიტონისა და კომბინირებული ციკლის თბოელექტროსადგურები.
სახელმძღვანელოში უხვადაა მაგალითები, ამოცანები, მათი ამოხსნის მაგალითები, რაც მუშაობაში დაეხმარება შესაბამის სფეროში დასაქმებულ ინჟინრებს, დოქტორანტებს, დამოუკიდებელ მკვლევრებს, დამპროექტებლებს, ენერგეტიკის ანალიტიკოსებს, აუდიტორებს, მენეჯერებსა და ტექნიკური პროფილის სხვა სპეციალისტებს.
უაკ: 621.311.21:627:8
სახელმძღვანელო 2009 წელს ამავე ავტორების მიერ გამოცემული „ჰიდროენერ-გეტიკული დანადგარების“ გადამუშავებული და შევსებული გამოცემაა. მასში განხილულია თანამედროვე ჰიდროენერგეტიკული დანადგარების სახეობები, მათგან ერთ-ერთი ძირითადი სახეობის - ჰიდროელექტროსადგურების ჰიდროენერგეტიკული მოწყობილობის შემადგენელი ნაწილები, მათი მუშაობის თეორიული საფუძვლები, მუშა პროცესები, ენერგეტიკული მახასიათებლები, გამოყენების არეები. მოცემულია მითითებები ძირითადი პარამეტრების შესარჩევად.
სახელმძღვანელო განკუთვნილია საბაკალავრო პროგრამ - „ენერგეტიკა და ელექტროინჟინერიის“ სტუდენტებისათვის.
უაკ: 681.326.3
სახელმძღვანელო არის წიგნის - „მოდელირება რადიოსატელეკომუნიკაციო სისტემებში“ გაგრძელება. პირველ წიგნში აღწერილი იყო კომპიუტერული მათემატიკის ერთ-ერთი წამყვანი პროგრამული პაკეტის - MATLAB-ის გაფართოების ვიზუალური მოდელირების Simulink სისტემის საწყისები. მეორე წიგნში აღწერილია ქვესისტემებისა და საკუთარი ბიბლიოთეკების შექმნა Simulink-ში, მოყვანილია ყველა არსებული სახის ქვესისტემის შექმნის მრავალი მაგალითი. სახელმძღვანელოს მეორე ნაწილი ეძღვნება Sygnal Processing Toolbox პაკეტს, რომელიც აგრეთვე არის MATLAB-ის შემადგენელი ნაწილი. განხილულია ისეთი საკითხები, როგორიცაა სხვადასხვა სახის სიგნალების გენერირება Sygnal Processing Toolbox-ში, ფურიეს სწრაფი დისკრეტული გარდაქმნები, დისკრეტული სიგნალების სპექტრული ანალიზი, სიგნალების მოდულაცია და დემოდულაცია, სიგნალების ფილტრაცია. აღწერილია აგრეთვე Sygnal Processing Toolbox პაკეტის გრაფიკული ინტერფეისი.
სახელმძღვანელო ილუსტრირებულია მრავალი მაგალითით, რომლებიც ძირითადად ეხება სიგნალების ციფრულ დამუშავებას. მოცემულ სახელმძღვანელოში განხილული მასალა ორიენტირებულია R2013a – R2019a ვერსიებზე.
ნაშრომი განკუთვნილია „ტელეკომუნიკაციისა“ და „რადიოტექნიკისა და მაუწყებლობის“ დეპარტამენტების ბაკალავრიატის სტუდენტებისათვის, თუმცა სასარგებლო იქნება მკითხველთა ფართო წრისათვის: სხვადასხვა სპეციალობის სტუდენტებისათვის, დოქტორანტებისა და მეცნიერ მუშაკებისათვის.