უაკ: 711.14
სალექციო კურსში გაანალიზებულია ზოგადი მიწათმოქმედების მიზანი და ამოცანები, მისი განვითარების ეტაპები, მცენარის სასიცოცხლო ფაქტორები. განხილულია სარეველა მცენარეები, მათი კლასიფიკაცია და მათთან ბრძოლის ღონისძიებები. ჩამოყალიბებულია მინდვრად „თესლბრუნვა“, ნიადაგის „ძირითადი“ და „ზედაპირული“, ასევე „თესვისწინა“ და „თესვისშემდგომი“ დამუშავება, ნიადაგის „ეროზია“, მათი სახეები და მათ წინააღმდეგ ბრძოლის ღონისძიებები. განმარტებულია „მიწათმოქმედების სისტემები“. სალექციო კურსი განკუთვნილია სოფლის მეურნეობის სპეციალობის ბაკალავრიატის, მაგისტრატურისა და დოქტორანტურის სტუდენტებისათვის.
უაკ: 33
სალექციო კურსში განხილულია მიკროეკონომიკის საკითხები პრაქტიკული მაგალითების გამოყენებით. ნაშრომი განკუთვნილია საქართველოს ტექნიკური უნივერსიტეტის სტუდენტებისთვის და ეკონომიკის საკითხებით დაინტერესებულ მკითხველთა ფართო წრისათვის. Robert E. Hall, Marc Lieberman. Microeconomics: Principles and Applications წიგნის მიხედვით.
უაკ: 621.8
სალექციო კურსში განხილულია ჰაერის კონდიცირების ტექნოლოგიური საკითხები; აღწერილია ჰაერის მდგომარეობის დამახასიათებელი ძირითადი პარამეტრები და მათი ცვლილების შემთხვევები, კონდიცირების სისტემაში ჰაერის დამუშავების, ძირითადი და დამხმარე ელემენტების გაანგარიშების მეთოდები; ასევე განხილულია ცენტრალური და ადგილობრივი კონდიციონერების დაპროექტების საკითხები; მოყვანილია კომპიუტერული პროგრამები და ჰაერის კონდიცირების სისტემის დასაპროექტებლად მათი გამოყენების მეთოდები. სალექციო კურსი განკუთვნილია კვების ინდუსტრიის დეპარტამენტის საგანმანათლებლო პროგრამა „კვების ინჟინერიის“ სპეციალობის ბაკალავრებისათვის.
უაკ: 624.05
სალექციო კურსში აღწერილია სამშენებლო წარმოების თანამედროვე ტექნოლოგიები, რომლებიც განსაკუთრებით გამოიყენება უკანასკნელ ხანებში მშენებლობის მსოფლიო პრაქტიკაში. განხილულია ახალი მასალებისა და კონსტრუქციების გამოყენების, მათი მონტაჟის და ექსპლუატაციის გამარტივების საკითხები. წარმოდგენილია მშენებლობის სამომავლო ტექნოლოგიებიც, რომელთა რეალიზაცია სულ მალე განხორციელდება.სალექციო კურსი განკუთვნილია სამშენებლო ფაკულტეტის სტუდენტებისა და სამშენებლო დარგის სპეციალისტებისათვის.
უაკ: 621.78
სალექციო კურსში „თერმულად დამუშავებული ნაკეთობის დეფექტები და მათი კონტროლის მეთოდები“, ზოგადად არის გაშუქებული ლითონების საკონსტრუქციო სიმტკიცე, მისი მახასიათებლები და თვისებათა გაუმჯობესების მეთოდები; საექსპლუატაციო გარემოს, აგრეთვე, თერმული და ქიმიურ-თერმული დამუშავების გავლენა ლითონის თვისებებზე. ყურადღება გამახვილებულია თერმულად დამუშავებული ნაკეთობის წუნის სახეებზე, მათი წარმოქმნის მიზეზებზე, გამოსწორებისა და აცილების გზებზე. განხილულია ნაკეთობათა მექანიკური თვისებების შეფასების და დიაგნოსტიკის სტრუქტურული და ფიზიკური მეთოდები. სალექციო კურსი განკუთვნილია მასალათმცოდნეობის საგანმანათლებლო პროგრამის ბაკალავრიატის სტუდენტებისათვის.
უაკ: 621.86
სალექციო კურსში მოცემულია სახალხო მეურნეობის დარგების ნორმალური ფუნქციონირებისათვის საჭირო ამწე-სატრანსპორტო მოწყობილობების სახეები და მუშაობის მახასიათებლები. განხილულია მათი კლასიფიკაცია, კონსტრუქციული ელემენტები, ამწევი და გადასაადგილებელი მექანიზმები.ნაშრომი განკუთვნილია მანქანათმშენებლობის ფაკულტეტის სტუდენტებისათვის.
უაკ: 66.087
სალექციო კურსი მოიცავს ელექტროქიმიური თერმოდინამიკისა და კინეტიკის ძირითად დებულებებს, რომლებიც საფუძვლად უდევს ელექტროქიმიურ ტექნოლოგიებს. კურსში განხილულია ელექტროქიმიური პროცესების ინტენსიფიკაციისა და ელექტრული ენერგიის ხარჯის შემცირების გზები, არაპირდაპირი ელექტროქიმიური აღდგენისა და დაჟანგვის მეთოდების პრაქტიკული გამოყენების მაგალითები, ჭიათურის მანგანუმის მადნის ბაზაზე ლითონური მანგანუმის, მანგანუმის დიოქსიდისა და კალიუმის პერმანგანატის ელექტროქიმიური წარმოების თანამედროვე ასპექტები.სალექციო კურსი განკუთვნილია ქიმიური ტექნოლოგიისა და მეტალურგიის ფაკულტეტის სტუდენტებისათვის.
უაკ: 577:576.1:643
სალექციო კურსში მოცემულია: ისტორიულ ჭრილში რეგიონული საცხოვრისის ანალიზი, როგორც ავთენტური არქიტექტურული ლინგვისტიკის ფენომენისა დროსა და სივრცეში; თბილისის ქალაქგეგმარებითი ასპექტების ცვლილებების კონტექსტში, თბილისური საცხოვრისის გამჭოლი ანალიზი; თანამედროვე განზომილებაში, ახალი საცხოვრისის შესაბამისი სისტემისა და სტრუქტურის ჩამოყალიბების ტენდენციები (ბიოკლიმატურ-ოროგრაფიული და მზის განბნეული რადიაციის კონტექსტში). სალექციო კურსი შედგენილია იმ სილაბუსის მიხედვით, რომელიც შეიცავს ამ საგნის ძირითად მასალას.გამოცემა განკუთვნილია უმაღლესი ტექნიკური სასწავლებლების ბაკალავრიატისა და მაგისტრატურის სტუდენტთათვის.