ძალაობს: ძალით, ჯიქურ მიდის წინ: „ვინც ძალაობდა – ფქვავდაო“ (ანდაზა); ძალადობს: ვინმეზე ფიზიკურად ან სულიერად ზემოქმედებს; ძალმომრეობს (სცემს; ემუქრება).

ძარი: 1. ურემზე ან მარხილზე დასადგმელი დიდი, მოწნული სათავსი სიმინდის, ყურძნის და სხვ. გადასაზიდად; 2. სიმინდის საწყაო; 3. გოდორივით მოწნული მობრტყო სამწყვდევი ფრინველისა და გოჭის გასასუქებლად; 4. სასიმინდე, ნალია (უპირატესად, მოწნული); ძარა:
1. ურმის ძირითადი ზედა ნაწილი ღერძისა და თვლების გამოკლებით; 2 ავტომანქანის სამგზავრო ან სატვიტთო ნაწილი.

ძვალთაშუა (იოგები); ძვალთაშორისი (სიმსივნე).

ძვლიანი: ძვლის (ძვლების) მქონე (ძვლიანი ხორცი / ნაჭერი); ძვლოვანი: სპეც. ძვლებისაგან შედგენილი (ძვლოვანი ქსოვილი).

წაამატებს: დაუმატებს; წაამეტებს: გადაამეტებს.

წამომდგარი: 1. ფეხზე დამდგარი: „სარდიონი მიუახლოვდა წამომდგარ ბიაშვილს“
(დ. კლდ.); შდრ.: ფეხზე წამომდგარი: გადატ. მოღონიერებული, გამლიერებული; 2. მაღალ ადგილზე აშენებული, წამოჭიმული (გორაკზე წამომდგარი სახლი); 3. მოულოდნელად, შეუმჩნევლად ვინმეს წინაშე დამდგარი: „აიხედა მაღლა და დაინახა თავზე წამომდგარი ყელმოღერებული ირემი“ (ვაჟა); წარმომდგარი: რაიმეს შედეგად შექმნილი, წარმოშობილი: „კანონი წარმომდგარია ერთის სახის ჩვეულებისაგან“ (ილია). :

წანამძღვარი: 1. რაიმეს წინასწარი პირობა (წინა პირობა); 2. ფილოს. დასკვნის შემადგენელი წაწილი – საფუძველი დასკვნისათვის; წინამძღვარი: 1. მონასტრის უფროსი; იღუმენი; ქრის­ტიანული ეკლესიის უფროსი მღვდელი; 2. ძვ. წინამძღოლი, ჭკუის დამრიგებელი: „სულო ბოროტო, ვინ მოგიხმო ჩემად წინამძღვრად?!“ (ნ. ბარათ.).

წარდგენა: 1. მიტანა რაიმე წერილობითი საბუთისა (დოკუმენტების წარდგენა); 2. გაცნობა: მეგობრის / ამხანაგის წარდგენა (მშობლებთან, მასწავლებლებთან); 3. შუამდგომლობა ვინმეს დაჯილდოების, დაწინაურების თაობაზე (ჩინზე წარდგენა დაუპირეს); წარდგინება: შუამდგომლობის შემცველი ოფიციალური დოკუმენტი; წარდგომა: ვინმეს წინაშე გამოცხადება: „მეც მეღირსა ბედნიერება, წარვდგომოდი ბიზანტიის კეისარს. ეს წარდგომა დიდის ზეიმით იყო მორთული“ (შ. დად.).

წარუშლელი (შთაბეჭდილება); წაუშლელი (დაფა).

წასაყვანი: ვინც უნდა წაიყვანონ: „ეს ბრუციანი არსად არ არის წასაყვანი, მუდამ ჩხუბის თავია“ (ა. ცაგარ.); წასაყოლი: ვინც (რაც) უნდა წააყოლონ (ან წაჰყვეს) ვინმეს ან რამეს; გასაყოლი: „ადა­მიან­მა ორი სახელი უნდა იქონიოს: ერთი აქ დასარჩენი, მეორე – თან წასაყოლი“ (ილია).

წაწყდომა: დაჯახება; მოულოდნელი შეხვედრა, შეჩეხება, გადაყრა (ნადირის / ხიფათის... წაწყდომა); წაწყმედა: დაღუპვა, მოსპობა; შდრ.: სულის წაწყმედა.

წელის (ტკივილი); წლის (ბოლოს).

წერია (წიგნში); სწერია (ჯვარი სწერია ბავშვს).

წერითი: რაც წერით უნდა შესრულდეს (წერითი სამუშაო / გამოცდა / ტესტირება...); წერი­ლობითი: დოკუმენტი, რომელიც დაწერილი ან დაბეჭდილი სახით არის წარმოდგენილი (წერილობითი თანხმობა / საბუთი); შდრ.: წერილობითი ძეგლები (წარწერები, ხელნაწერები).

წვავს (კაცი მწვადს); სწვავს (კვამლი ბავშვს თვალებს).

წინააღმდეგ: ვინმეს საპირისპიროდ (მოქმედება): „გიორგის შეეძლო, ჭიაბერისა და კოლონ­კელიძის წინააღმდეგ ჯარები წარეგზავნა“ (კ. გამს.); წინაშე: 1. პირისპირ, პირდაპირ: „ერთიღა ახლავს ავთანდილ, უზის წინაშე სკამითა“ (რუსთაველი); ვინმეს (რაიმეს) წინ მყოფი: დამნაშავე წარდგა სასამართლოს წინაშე; 2. მიმართ: „უჩინარი სიკეთე ჩიტისა იმოდენაა, რომ ყელამდის ვალში ვართ ამ პატარა ჩიორას წინაშე“ (ი. გოგებ.); შდრ.: ღვთის წინაშე.

ეს სიტყვები ერთ შემთხვევაში სინონიმებია და ნიშნავს: ვინც წინ უძღვის ვინმეს, გზას აჩვენებს, მაგრამ მათ განსხვავებული მნიშვნელობებიც აქვთ – წინამძღვარი: მონასტრის უფრო­სი; იღუმენი; ქრისტიანული ეკლესიის უფროსი მღვდელი; წინამძღოლი: მეთაური.

წინდაწინ (იცოდა); წინ-წინ (გარბოდა).