აწვდენს (ხმას / სიტყვას / თვალს; შდრ.: აწვდენს ხელს თარომდე); აწვდის, აწოდებს

(ბურთს / ინფორმაციას...).

ახალწვეული: ვინც ახლა გაიწვიეს ჯარში: წვევამდელი: ვისაც ჯარში გაწვევის დრო მოუვიდა.

ეს სიტყვები ერთ შემთხვევაში სინონიმებია და ნიშნავს – ნათესაური ან მეგობრული ურთი­ერთობით დაკავშირებული; მოკეთე, მოყვარე: „მაშინ აღარ დაზოგავდა, გინდ შორეული ყოფილიყო და გინდ – ახლობელი“ (აკაკი); „სახლში მხოლოდ მახლობლები დარჩნენ“ (ეკ. გაბ.), მაგრამ მახლობელს სხვა მნიშვნელობაც აქვს: ტერიტორიულად ახლოს მყოფი: „პალიასტომის ტბის მახლობელ ტყეებში გაისმოდა ცულების ხათქახუთქი“ (ე. ნინოშ.).

ეს სიტყვები ერთ შემთხვევაში სინონიმებია და ნიშნავს – ბალახით დაფარული: „საქონელი ბალახიანს და ტყიანს ადგილს მივუმარჯვეთ“ (ვაჟა); „აურჩევია ნავთსაყუდარად ტყე უღრანი და ბალახოვანი“ (გ. ლეონ.), მაგრამ ბალახოვანი: სპეც. ბალახის გვარისა, ბალახის თვისების მქონე (ბალახოვანი მცენარეები).

ბაღდადი: ერაყის დედაქალაქი; ბაღდათი: ქალაქი და რაიონული ცენტრი დასავლეთ საქართველოში.

ბიუროკრატიული: ბიუროკრატიის შესაფერი, ბიუროკრატიისათვის დამახასიათებელი (ბიურო­კრატია – მმართველობის სისტემა (გარკვეული სახისა), რომელიც ბიუროკრატიულ ფორმალობაზეა დაფუნებული; შდრ.: ბიუროკრატიზმი – საქმისადმი ფორმალური დამოკიდებულება): ბიუროკრა­ტიული აპარატი; ბიუროკრატული: ბიუროკრატის შესაფერი. ბიუროკრატისთვის დამახასიათებელი; ფორმალური (ბიუროკრატული მიდგომა / ჩვევები); შდრ.: ბიუროკრატები – გადატ. ბობოლა მოხელეები.

ბრუნება¹: 1. ტრიალი (ცომის ბრუნება); 2. გონს მოყვანა, მოსულიერება; ბრუნვა¹: რაიმეს ირგვლივ ან თავის ღერძის გარშემო მოძრაობა (დედამიწის ბრუნვა); შდრ.: დროის ბრუნვა – ჟამთა სვლა.

ბრუნება²: გრამატ. სახელის ფორმაცვალება ბრუნვათა მიხედვით: „ქართულში ბრუნება მარტივია, უღვლილება – რთული“ (არნ. ჩიქ.); ბრუნვა²: გრამატ. გრამატიკული კატეგორია, რომელითაც გამოი­ხა­ტე­ბა სახელის ურთიერთობა სახელთან ან ზმნასთან: „მოთხრობითი ბრუნვის ქონა ქართველური ენები­სათვის ისევე დამახასიათებელია, როგორც ბრალდებითი ბრუნვის (აკუზატივის) უქონლობა“ (არნ. ჩიქ.).

ბრძანება: 1. ხელისუფლების ან უფლებამოსილი პირის განკარგულება (სარდლის ბრძანება; ბრძანება გასცა); 2. თქმა; ნათქვამი (თავაზიანი მიმართვისას): „ეს ჭეშმარიტი ბრძანებაა!“ (უიარ.); შდრ.: რა ბრძანებაა! – რას ბრძანებთ. რა სათქმელია; ბრძანებულება: ხელისუფლების უმაღლესი ორგანოს დადგენილება. რომელსაც კანონის ძალა აქვს (ბრძანებულება უნდა ამოქმედდეს გამოქვეყნებისთანავე).

ეს სიტყვები ერთ შემთხვევაში სინონიმებია და ნიშნავს – დაუბრუნდება შეწყვეტილ საქმეს; განაახლებს (მგზავრმა შეისვენა და ისევ გააგძელა / განაგრძო გზა), მაგრამ გააგრძელებს ზმნას სხვა მნიშვნელობებიც აქვს: 1. სიგრძეს მოუმატებს (ხაზი გააგრძელა); 2. დაწყებულ მოქმედებას შეწყვეტის გარეშე გაახანგრძლივებს: „რაღა ბევრი გავაგრძელო? – საბუთების ჩამოთვლა მეტად გააგრძელებდა ისეც გაგრძელებულ საუბარს“ (ილია); პატარა ლუკამ, ვითომ ვერც გაიგონა დედის დაძახება, ისე გააგრძელა თამაში.

გაბოლება (სიგარეტისა / ჩიბუხისა); გაბოლვა (ოთახისა...).

გადადებს (საქმეს); გადასდებს (გრიპს).

გადამტეხი: ვინც ან რაც გადატეხს (რაიმეს); გარდამტეხი: რაიმეს არსებითად შემცვლელი; გარდატეხის მომხდენი (გარდამტეხი პერიოდი / მომენტი).

გადაუხდის [და არა მოუხდის] (მადლობას). მაგრამ: მოუხდის (ბოდიშს).

 გადაცდენა: გადაცილება (ვადის / დროის გადაცდენა); შდრ.: გზიდან გადაცდენა – სწორი გზიდან აცდენა; გადაცდომა: სამართ. სამართლის ნორმის ისეთი დარღვევა, რომელიც იწვევს მცირე სასჯელს; მცირედი დანაშაული.

გაკვალვა: გაწმენდა (თოვლისგან გზის გაკვალვა); გაკვლევა: გაგნება, პოვნა (ტყეში გზის გაკვლევა).

გამამთელებელი: ვინც ან რაც გაამთელებს (რაიმეს), მთელს გახდის; გამამრთელებელი: ვინც ან რაც გაამრთელებს (ვინმეს ან რაიმეს); გამაჯანსაღებელი, მომრჩენი.

გამონაჟონი: რამაც გამოჟონა საიდანმე; წვეთ-წვეთად გამოსული (კლდიდან გამონაჟონი წყალი); გამონაჟური: გამონადენი. გამონაწური: „მტევნების გამონაჟურსა მარანში უცდის ქვევრები“ (ვაჟა).

გამორწყვა: ჩირქის გამოდენა მუწუკიდან; გამოწყვა: რაიმეს ტევადობის აწყვით შემოწმება.

გან–გან: განზე: „ფითრი მსხლის ქერქზე... იზრდეგოდა. იბერებოდა, სულ გან-გან იწევდა“
 (თ. რაზიკ.). განდაგან: გარდიგარდმო: განის მიმართულებით (მელი განდაგან გახერხეს); შდრ.: ცეკვა განდაგანა.