უწინდელი: წინანდელი, ძველი – უწინდელი დრო: „შვილი არც უწინდელ ქმრის ხელში ჰყოლია“ (დ. კლდ.); უწინდებური: ძველებური – „მეორეს ეხურა სალდათური უწინდებური ქუდი“ (ილია); „ერეკლე მეფე ოთხმოცი წლის მოხუცი იყო და არა უწინდებური უძლეველი არწივი“ (ი. გოგებ.); შდრ.: უწინდებურად: ძველებურად – „ჭოტი ბაღჩაში უწინდებურად დანა­დირობდა“ (ი. გოგებ.).

უწყება: 1. ოფიც. სახელმწიფო დაწესებულებათა სისტემა, რომელიც ემსახურება მმართვე­ლობის რომელიმე დარგს (სახელმწიფო / სამთავრობო უწყება); 2. შეტყობინება, ცნობა; მოკლე მიწერილობა სადმე მიწვევის, გამოცხადების შესახებ (უწყება მიუვიდა); უწყისი: სახელობითი ოფიციალური სია რაიმეს გაცემა-მიღების შესახებ (ხელფასის უწყისი).

 უხმო: 1. რაც ხმას არ გამოსცემს (უხმო ნაბიჯი); 2. უსიტყვო, უთქმელი: „ნეტავი მათ! მათ სიყვარულს და მათ უხმო აღსარებას“ (აკაკი); 3. არჩევნებში – ხმის უფლების არმქონე, ხმაჩა­მორთმეული; უფლებაწართმეული, უუფლებო; უხმაურო: რაც ხმაურს არ იწვევს, რასაც ხმაური არ ახლავს (უხმაურო ლიფტი).

უჯერი: ქიმ. სითხე, რომელშიც ზღვრულ შესაძლებლობამდე არ არის გახსნილი რაიმე ნივ­თიერება (უჯერი ხსნარი); უჯერო: 1. რაც დსაშვები არ არის, დაუშვებელი (უჯერო ქცევა);
2. მოძვ. დაუჯერებელი, ურწმუნო.

ფამფალა: რაც ფამფალებს; მერყევი, მოქანავე; ფამფარა: ბოტან. მცენარე.

ფასეული (წინადადება...); ფასიანი (ჯილდო / გაკვეთილი). -

ფერადი: სხვადასხვა. ნაირ-ნაირი ფერისა; ჭრელი (ფერადი ყვავილები / საღებავები / ფანქრები / ქსოვილი...); ფერადოვანი: გადატ. მხატვრული, სასიამოვნო (ფერადოვანი მეტყველება).

ფიგურული: 1. რაიმე ფიგურის სახისა (ფიგურული შოკოლადი); 2. სპორტ. ფიგურული სრიალი; ფიგურალური: ხატოვანი (ფიგურალური თქმა / მეტყველება).

ფლოტი: 1. რომელიმე სახელმწიფოს ან ორგანიზაციის კუთვნილი გემების, თვითმფრი­ნა­ვების ერთობლიობა (ინგლისის სამხედრო ფლოტი); 2. ერთ ზღვასა თუ მდინარეზე განლა­გებული ამა თუ იმ სახელმწიფოს კუთვნილი გემების ერთობლიობა (შავი ზღვის ფლოტი); ფლოტილია: გემების მცირე რაზმი (ფლოტილია სწრაფად მიიწევდა წინ).

ფუნდამენტური: 1. გამძლე, მყარი; 2. ღრმა შინაარსიანი, მაღალპროფესიონალური; 3. ძირი­თადი, მთავარი; ფუნდამენტალისტური: ფუნდამენტალისტისა თუ ფუნდამენტალიზმისთვის დამახასიათებე­ლი (ფუნდამენტალიზმი – რელიგიური ორთოდოქსიის საერთო სახელწოდება).

ფუნქციური (მედ. ფუნქციური მოშლილობა; მათემ. ფუნქციური / ფუნქციონალური ანალიზი); ფუნქციონერული (ხედვა) (ფუნქციონერი: სახელმწიფო აპარატსა თუ საზოგა­დოებრივ ორგანიზაციაში რაიმე ფუნქციის შემსრულებელი).

ქართველი (ხალხი / ერი...); ქართული (დროშა / ლიტერატურა / ღვინო...).

ქვევით / ქვემოთ ჩადის, მაგრამ: როგორც ქვემოთ [და არა ქვევით] აღვნიშნეთ.

ქვიდან (საიდან? ქვიდან ჩამოხტა); ქვისგან (რისგან? ქვისგან ააშენა).

ღერი: ცალი (ასანთის / შეშის / თმის / ბალახის... ღერი); ღერო: მცენარის ძირითადი ორგა­ნო, ტანი, რომელზედაც ტოტები და ფოთლებია გამოსხმული (სიმინდის... ღერო).

ღვივდება (ცეცხლი / ცომი...); ღივდება (თესლი).

ღირსი: შესაფერისი; საკადრისი (სიცოცხლის / ბედნიერების ღირსი); ღირსეული: ღირსების მქონე (ღირსეული მეგობარი / მეუღლე...).

ყველა: უკლებლივ, მთლიანად (ყველა მოვიდა); ყოველი: მრავლიდან თითოეული (ყოველი ჩვენგანი / თქვენგანი).

ყინულიანი (წყალი); ყინულოვანი (ოკეანე).

ყმა: 1. ისტ. ბატონის ყმა; 2. ისტ. პატრონის ქვეშევრდომი; 3. გადატ. მორჩილი, მსახური, ხელ­ქვეითი (ყმად გაიხადა); 4. ძვ. რაინდი, მოყმე, ვაჟკაცი (კაი ყმა); 5. შინაყმა; ყრმა: ჩვილი ბავშვი, ყმაწვილი (ყრმის ტიკტიკი); სკოლის ასაკის ბავშვი; ჭაბუკი.