ნამყოფი (სოფელში / მთაში...); ყოფილი (პრეზიდენტი / დირექტორი / ქმარი...).

ნაოპერაციები: ვისაც ოპერაცია გაუკეთეს; ნაოპერაციევი: ადგილი, რომელზედაც ოპერაცია გაკეთდა.

ნაპატიები (დანაშაული); ნაპატივები: კარგად მოვლილი (ნაპატივები საქონელი...).

ნასადილები: ვინც ისადილა; ნასადილევს [და არა ნასადილებს): სადილის შემდეგ.

ნასაუზმები: ვინც ისაუზმა; ნასაუზმევს [და არა ნასაუზმებს]: საუზმის შემდეგ.

ნაქმარები: ვისაც ქმარი ჰყავდა; ნაქმრევი: ვინც ქმარი იყო.

ეს სიტყვები ერთ შემთხვევაში სინონიმებია და ნიშნავს – მომწვანო-ყვითელი ფერის მწარე სითხე, რომელსაც გამოიმუშავებს ღვიძლი, მაგრამ ნაღველს სხვა მნიშვნელობაც აქვს: გადატ. სევდა, დარდი, მწუხარება: „რა იციან მეგობრებმა, თუ რა ნაღველს იტევს გული“ (გ. ტაბ.).

ნაშვილები: ვინც იშვილეს; ნაშვილევი: შვილნაყოლი.

 ნაჩქარები: ანაჩქარები, აჩქარებული; ნაჩქარევი: ნაადრევი; ზედმეტად ჩქარი, სწრაფი (ნაჩქარევი პასუხი / დასკვნა / გადაწყვეტილება).

ნაცნობი: ვისაც, რასაც იცნობენ (ნაცნობი გოგონა / ქუჩა / მუსიკა / წიგნი...); ცნობილი: პოპულარული. აღიარებული (ცნობილი მეცნიერი / მსახიობი...).

ნაწარმი (რძის/საკონდიტრო... ნაწარმი); ნარმოები (მხატვრული/მუსიკალური... ნაწარმოები).

ეს სიტყვები ერთ შემთხვევაში სინონიმებია და ნიშნავს – მთელის შემადგენელი ერთეული; ის, რისგანაც მთელი შედგება: „ფულს ხუთ ნაწილად ყოფდა“ (ილია), „მზე უშენოდ არ იქნების, რადგან შენ ხარ მისი წილი“ (რუსთაველი), მაგრამ მათ განსხვავებული მნიშვნელობებიც აქვთ – ნაწილი: 1. რაიმე ნაწარმოების, თხზულების, პიესის დასრულებული ნაკვეთი, თავი (რომანი შედგება ორი ნაწილისაგან); 2. ზოგი ორგანიზაციის (ოფისის) განყოფილება (საფინანსო ნაწილი); 3. სამხ. ჯარის ერთეული (სატანკო ნაწილი); შდრ.: მეტყველების ნაწილები; წილი: რაც არგუნეს (ერგო) ვინმეს (რაიმეს გაყოფისას); ხვედრი, კერძი: „ბუტიას წილი გემრიელია“ (ანდაზა); შდრ.: წილს დაიდებს; წილის ყრა; წილად ხვდება.

ნერვიული (ადამიანი); ნერვული (დაავადება).

ნესტარი: 1. ლანცეტი; 2. დედალი ფუტკრის ორგანო, რომლითაც ჩხვლეტს და კვერცხებს დებს; 3. გველის ენა; ნექტარი: 1. ბერმნულ მითოლოგიაში: ღმერთების სასმელი, რომელიც უკვდავებას ანიჭებდა მათ; 2. ყვავილების გამონაყოფი შაქროვანი წვენი; 3. გადატ. სიამმოვნების მომგვრელი; მეტისმეტად კარგი.

ნიშა: 1. მოდიდო, თეთრი ნიშანი საქონლის შუბლზე; 2. ასეთი საქონელი (ნიშა ხბო / ხარი / კამეჩი); ნიში: 1. ამოღრმავებული ადგილი კედელში რაიმეს შესადგმელად; 2. სამლოცველო ნაგებობა (წმ. გიორგის ნიში).

ნიშანდებული: რასაც ნიშანი აქვს დადებული; მარკირებული; ნიშანდობლივი: 1. ზედმი­წევნითი, ზუსტი, ნამდვილი (ნიშანდობლივი ცნობები); 2. განსაკუთრებული, კონკრეტული (ნიშანდობლივი თავისებურება).

ნოტა: პოლიტ. ერთი ქვეყნის მთავრობის დიპლომატიური მიმართვა (წერილობითი) მეორე ქვეყნის მთავრობისადმი; ნოტი: 1. მუსიკალური ბგერის პირობითი გრაფიკული ნიშანი (ამ მხიარულ ნოტზე [და არა ნოტაზე] დავამთავროთ ჩვენი გადაცემა); მ რ. ნოტები; ასეთი ნიშნებით ჩაწერილი მუსიკალური ნაწარმოების ტექსტი; ამ ტექსტთა შემცველი რვეული, წიგნი; 2. თვით მუსიკალური ბგერა.

ოპერატიული: 1. სამხედრო ოპერაციასთან დაკავშირებული (იერიშის / დაზვერვის ოპერატიული გეგმა); 2. რაც ამა თუ იმ ამოცანათა, გეგმათა, წამოწყებათა დაუყოვნებლივ შესრულებასთან არის დაკავშირებული (ოპერატიული მუშაობა); 3. პრაქტიკული ამოცანების სწრაფად გადაწყვეტის უნარის მქონე; ქმედითი (ოპერატიული ხელმძღვანელობა); ოპერაციული: ოპერაციის ხასიათისა (ოპერაციული ჩარევა).

ორატორიული: ორატორიის ხასიათისა (ორატორია – მუს. დრამატული სიუჟეტის მქონე მუსიკალური ნაწარმოები, რომელიც დაწერილია გუნდის, სოლისტებისა და სიმფონიური ორკესტრისათვის); ორატორული: ორატორისთვის დამახასიათებელი (ორატორი – მჭევრმეტყველი): ორატორული ნიჭი / სიტყვა.

ორდენი: 1. საგანგებო ნიშანი, რომლითაც ხელისუფლება აჯილდოებს ამა თუ იმ პირს განსაკუთრებული დამსახურებისათვის; 2. სხვადასხვა საზოგადოება (მასონთა ორდენი); ორდერი: ოფიციალური წერილობითი ბრძანება, განკარგულება; საბუთი ბინით სარგებლობის, დაპატიმრების, ჩხრეკისა და სხვ. უფლებათა მინიჭების შესახებ.