მეთოდი: მოვლენის კვლევის ხერხი, მიდგომა (ორიგინალური მეთოდი); მეთოდიკა: 1. ამგვარ ხერხთა სისტემა; 2. პედაგოგიკის დარგი.

მეთოდური: რაიმე მეთოდთან დაკავშირებული (მეთოდური რჩევა-დარიგება); მეთო­დიკური: სწავლების, პრაქტიკულად შესრულების ხერხთა ერთობლიობასთან, მეთოდიკასთან დაკავშირებული (მეთოდიკური ლიტერატურა).

მეკავშირე: სპეც. კავშირის დამამყარებელი სამხედრო ქვედანაყოფებს შორის ბრძოლის დროს (მეკავშირე დილით დაბრუნდა); მოკავშირე: ვისაც (რასაც) კავშირი აქვს შეკრული ვინმესთან (რამესთან): სტრატეგიული მოკავშირეეგი.

მელოდია: ბგერათა გარკვეული თანამიმდევრობა (რაც ქმნის მუსიკალურ მთლიანობას); ჰანგი, მოტივი; მელოდიკა: მოძღვრება მელოდიის შესახებ.

მესია: 1. იუდეველთა რწმენით – ებრაელთა მხსნელი; 2. ქრისტეს ეპითეტი; მისია: 1. საგან­გებო დავალება, დანიშნულება, როლი; 2. დიპლომატიური წარმომადგენლობა; 3. მისიონერთა ორგანიზაცია.

ეს სიტყვები ერთ შემთხვევაში სინონიმებია და ნიშნავს – სისხლის აღებით შურისმაძიებელი: „მესისხლენი გრგვინავდნენ ამოღებულ დანითა“ (ი. გრიშ.); „ხალხნო და ჯამაათნო! ორი მოსისხლე გვარი უნდა გაასამართლოთ“ (ა. ყაზბ.), მაგრამ მოსისხლეს განსხვავებული მნიშვნელობებიც აქვს: 1. დაუ­ძინებელი, შეურიგებელი მტერი: „იმ დღიდან წინანდელი მოსისხლე მტრები შეიქნენ გულითადი მეგობრები“ (ი. გოგებ.); 2. სისხლისმსმელი: „სვავებს, ორბებს, ყვავებს და სხვა მოსისხლე ფრინველთაც სუნი აეღოთ“ (ვაჟა).

მეტრი: 1. სიგრძის საზომი ერთეული; 2 ლექსთწყობის ზომა ან მუსიკალური ტაქტის ძლიერი და სუსტი ნაწილების სიმეტრიული განაწილება; 3. საფრანგეთში – მოძმღვარი, მასწავლებელი, ადვოკატი; მეტრო: მეტროპოლიტენი.

მთლად (გაგიჟდა); მთლიანად (შეჭამა).

მიზომება (ტანსაცმლისა); მიზომვა (ადგილისა).

მოდგა (აქეთ მოდგა); მოსდგა (ცოლი მოსდგა მთვრალ ქმარს).

მოდგამს (ფეხს); მოსდგამს (მამა-პაპისგან).

მოდელირება: 1. მოდელის (მოდელების) დამზადება; 2. ქანდაკებასა და ფერწერაში – ზედაპირის დამუშავება, ფაქტურის შექმნა; 3. დახვეწა, დამუშავება; შდრ.: მოდულირება: 1. გადასვლა, გარდაქმნა, მოდულაცია; 2. მუს. ერთი ტონალობიდან მეორეზე გადასვლა; 3. ფიზ. მაღალი სიხშირის ელექტრორხევათა ამპლიტუდის ცვლა; 4. ფიზ. ბგერის მიერ გამოწვეულ ელექტრორხევათა გარდაქმნა სინათლის კონად.

მოთმენა: გაძლება, ატანა (ამის მოთმენა უკვე აღარ შეიძლება); მოთმინება: მოთმენის უნარი: „მოთმინებაც კარგი საქონელია“ (ანდაზა); შდრ.: მოთმინებიდან გამოიყვანს; მოთმინებას დაკარგავს; მოთმინების ფიალა.

მოთხოვნა: ერთი მხარის მიერ მეორისათვის რაიმეს კატეგორიულად, დაჟინებით თხოვნა; მოთხოვნილება: ბუნებრივი, შინაგანი, ფიზიოლოგიური საჭიროება (სულიერი / სასიცოცხლო / ფიზიოლოგიური... მოთხოვნილება).

მოკვდავი: ვინც კვდება საერთოდ; მომაკვდავი: ვინც ან რაც კვდება ამჟამად.

ეს სიტყვები ერთ შემთხვევაში სინონიმებია და ნიშნავს – ვინც მოიკითხავს (ვინმეს ან რაიმეს); ამბის მკითხველი. მაგრამ მომკითხავს სხვა მნიშვნელობაც აქვს: პასუხის მომთხოვნი.

მომსახურე (პერსონალი); მოსამსახურე (მოსამსახურის ოჯახი); შდრ. მოსამსახურე (=მოახლე) გოგონა.

 მოსავალი: აღებული პროდუქციის მთელი რაოდენობა (პურის / ყურძნის მოსავალი); მოსასვლელი: 1. რითაც უნდა მოვიდნენ: მოსასვლელი [და არა მოსავალი] გზა; 2. ვინც, რაც უნდა მოვიდეს.

მოსაკრები (ხალხი); მოსაკრეფი (ხილი).

მოსალოცი (ბარათი); მოსალოცავი (ადგილები).