უაკ: 539.3/.8
უაკ: 69.035:622.232.8
სალექციო კურსში განხილულია სამთო საწარმოების, ჰიდროტექნიკური, მეტროს, სარკინიგზო და საავტომობილო გვირაბების სამაგრი კონსტრუქციების სახეები და მათი გაანგარიშების მეთოდები. სალექციო კურსში მოცემულია ასევე დიდგანივკვეთიანი გვირაბების და კამერების სამაგრის გაანგარიშების ხერხები, შერჩევის მეთოდები და მოწყობის ტექნოლოგიური პროცესების აღწერა. კურსში დეტალურად არის განილული ჰორიზონტალური, დახრილი და ვეიკალური გვირაბების გარემომცველი სამთო მასივის ქანების დეფორმაციების და სამაგრზე მოქმედი სამთო წნევების განსაზღვრის მეთოდები.
სალექციო კურსი გარდა ბაკალავრიატის სტუდენტებისა, დიდ დახმარებას გაუწევს სამთო-გეოლოგიური ფაკულტეტის მაგისტრანტებს, უმაღლესი პროფესიული განათლების პროგრამის სტუდენტებსა და სამთო საწარმოებში დასაქმებულ ინჟინერ-ტექნიკურ პერსონალს.
უაკ: 94(470)
საქართველოში ქალთა საზოგადოებრივი პოტენციალის რეალიზება ყოველთვის აქტუალური იყო. ქართველ ქალთა მოძრაობის ამსახველი მნიშვნელოვანი ფურცელია 1846 წელს დაარსებული წმინდა ნინოს სახელობის ქალთა საქველმოქმედო საზოგადოების მოღვაწეობა. ქალთა საზოგადოებრივი მოღვაწეობისა და ქალთა ორგანიზაციების ნაყოფიერი საქმიანობის შესანიშნავი მაგალითები ჩვენში XIX საუკუნის ბოლოსა და XX საუკუნის დასაწყისში იყო: საზოგადოება „უღელი“ (დაარსდა 1873 წელს), „კავკასიელ ქალთა ტფილისის საზოგადოება“ (1909 წ.), „ტფილისის ქართველ ქალთა საზოგადოება“ (1913 წ.).
1948 წელს დაარსდა ქალთა რესპუბლიკური ორგანიზაცია, რომელიც „ქალთა საბჭოს“ სახელით დღემდე აქტიურად მოღვაწეობს. საქართველოს ტექნიკური უნივერსიტეტის ქალთა საზოგადოება, რომელიც არსებობის ოთხ ათეულ წელზე მეტს ითვლის, ქალთა ამ საზოგადოებების ღირსეული მემკვიდრეა. წიგნში ასახულია საქართველოს ტექნიკური უნივერსიტეტის ქალთა ასოციაციის საქმიანობა, ღვაწლი, ამ ორგანიზაციის როლი უნივერ-სიტეტისა და ქვეყნის ცხოვრებაში.
საქართველოს ტექნიკური უნივერსიტეტის ქალთა ასოციაცია, რომელიც მიმდინარე წელს აღნიშნავს დაარსების 45 წლისთავს, დაგროვილი გამოცდილების საფუძველზე, მომავალშიც იტყვის თავის სიტყვას ჩვენი ქვეყნის ქალთა მოძრაობაში.
უაკ: 030.8:624
სამშენებლო ენციკლოპედიურ ლექსიკონში თავმოყრილი და გადამუშავებულია 15844 ტერმინი, რომლებიც ეხება სამშენებლო საქმესა და მასთან მონათესავე მიმართულებებს, როგორებიცაა: არქიტექტურა, ხუროთმოძღვრება, საკულტო და საერო ნაგებობები, წყლის ინჟინერია, მენეჯმენტი, ეკონომიკა, უსაფრთხოება, სეისმომედეგობა, მექანიკა, საგანგებო სიტუაციები, გეოინჟინერია, მეტალურგია, ბიზნესი, კომპიუტერული მეცნიერება და სხვ. ტერმინების დიდ ნაწილს თან ახლავს ეტიმოლოგიური კვლევები, რომელთა ბაზისად აღებულია ოქსფორდის უნივერსიტეტის მასალები. ტერმინის განმარტების სრულყოფილად აღქმისათვის ლექსიკონში ჩართულია ფერადი სურათები და ნახაზები, რომელთა რაოდენობა შეადგენს 4636 ერთეულს. ლექსიკონის მოცულობაა 5 ტომი.
ნაშრომი მომზადებულია საქართველოს ტექნიკური უნივერსიტეტის სამშენებლო ფაკულტეტზე. ძირითადი ავტორების გარდა მასში მონაწილეობდა ფაკულტეტის 42 პროფესორი და სტუდენტი, აგრეთვე სხვა ორგანიზაციების 6 წარმომადგენელი.
ნაშრომის მიზანია ქართველ მშენებლებს მიაწოდოს მშენებლობასთან დაკავშირებული ტერმინების თანამედროვე განმარტებები, ხოლო პროფესიონალ მკვლევრებს, გამომცემლებს და, ზოგადად, ლექსიკოგრაფიითა და ლექსიკოლოგიით დაინტერესებულ პირებს მისცეს ქართველ მშენებლებთან უშუალო დიალოგის შესაძლებლობა.
ლექსიკონი განკუთვნილია მშენებელი ინჟინრების, სტუდენტების, არქიტექტორების, სამუშაოთა მწარმოებლების, ექსპერტების, ბიზნესმენების, საჯარო რეესტრის, სანოტარო ბიუროების, ადვოკატების, სასამართლოების, სამინისტროების, ქალაქებისა და მუნიციპალური სამსახურების, ჟურნალისტების, მშენებელი მუშებისა და ყველა დაინტერესებული პირისათვის.
პროფესორების - დავით გურგენიძისა და თამაზ ხმელიძის საერთო რედაქციით
უაკ: 550.8
დამხმარე სახელმძღვანელოში განხილულია ზოგადად საველე პრაქტიკისათვის საჭირო სამი ეტაპი (მოსამზადებელი, საველე და კამერალური). განხილულია ბუნებრივ და ხელოვნურ გაშიშვლებებზე მუშაობის ზოგადი წესები, ქანებისა და მადნების აღწერის თავისებურებანი, ნიმუშის და სინჯის აღების და დოკუმენტაციის მეთოდები.
განხილულია გეოლოგიური აგეგმვის, გეოლოგიური რუკის, გეოლოგიური ჭრილების, სტრატიგრაფიული სვეტის აგების და მადნიანი სხეულების შემოკონტურების ძირითადი პრინციპები, სასარგებლო წიაღისეულის მარაგების პირველადი შეფასების და მარაგების ანგარიშისთვის გამოყენებული მეთოდები.
ნაშრომში მოცემულია საველე გეოლოგიური სამუშაოებისათვის საჭირო მატერიალურ-ტექნიკური აღჭურვილობის ჩამონათვალი, საველე ბანაკის მოწყობის და საველე სამუშაოების დროს დასაცავი უსაფრთხოების წესები.
მეთოდიკური მითითებანი მყარი სასარგებლო წიაღისეულის ძებნა-ძიების სასწავლო გეოლოგიური პრაქტიკის ჩასატარებლად დაეხმარება არა მარტო მადნიანი გეოლოგიის სპეციალობის სტუდენტებს, არამედ პრაქტიკოს გეოლოგებსაც.