მთავარი - საგამომცემლო სახლი

	ნ. ჭანტურია, ბ. გოდერძიშვილი პროექტების მართვა ცვალებად გარემოში უაკ: 65.015.11 წინამდებარე სახელმძღვანელოში შევეცადეთ მარტივ და გასაგებ ენაზე გადმოგვეცა პროექტების მართვის ალგორითმი ცვალებად გარემოში: პროექტის ბიზნესიდეის შერჩევის, რესურსების ეფექტიანი მართვის, შესაძლო რისკების გამოვლენისა და აღქმის, გარანტირებული შედეგის მიღების, სამუშაოს დროულად შესრულების შესაძლებლობის შესახებ. ამ წიგნიდან შევიტყობთ, როგორ უნდა შევკრიბოთ საპროექტო გუნდი, შევიმუშაოთ პროექტის რეალიზაციის გეგმა, გავაკონტროლოთ პროექტის ვადები და ბიუჯეტი. წიგნი განკუთვნილია მენეჯმენტის პროფილის საბაკალავრო პროგრამის სტუდენტების, დამწყები მენეჯერებისა და პროექტების მართვის სფეროთი დაინტერესებული სპეციალისტებისთვის.
	დ. ბიბილეიშვილი, ნ. ორმოცაძე თეორიული ფიზიკური ქიმია უაკ: 541.1 „თეორიული ფიზიკური ქიმიის“ ლექციების კურსი სრულ შესაბამისობაშია ქიმიის საგანმანათლებლო პროგრამის ამავე დასახელების სილაბუსთან. ნაშრომი შედგება შვიდი თავისაგან მასში განხილულია ნივთიერების აღნაგობის, ქიმიური თერმოდინამიკის, ჰომოგენურ და ჰეტეროგენულ სისტემებში ქიმიური წონასწორობის, ხსნართა თეორიის, ელექტროქიმიის, ქიმიური კინეტიკისა და კატალიზის ძირითადი საკითხები. ლექციების კურსი განკუთვნილია ქიმიური ტექნოლოგიისა და მეტალურგიის ფაკულტეტის ბაკალავრიატის ყველა სპეციალობის სტუდენტისათვის, ასევე აგრარული მეცნიერებისა და ბიოსისტემების ინჟინერინგის, სამთო-გეოლოგიური ფაკულტეტების ბაკალავრიატის სტუდენტებისათვის. იგი ასევე დახმარებას გაუწევს მაგისტრატურის სტუდენტებსა და ფიზიკური ქიმიით დაინტერესებულ პირებს.
	რ. თურმანიძე, ვ. შილაკაძე, გ. ფოფხაძე ლითონსაჭრელი იარაღების კონსტრუქციები, გეომეტრიული პარამეტრები და გამოყენების ეფექტური არეები II ნაწილი უაკ: 621.7/9 დამხმარე სახელმძღვანელოში განხილულია ლითონსაჭრელი იარაღების ძირითადი ტიპები, გეომეტრიული პარამეტრები და გამოყენების ეფექტური არეები როგორც მჭრელი იარაღების და დასამუშავებელი მასალების თვისებებიდან, ისე ჭრის პირობებიდან გამომდინარე. მოცემულია მათი განვითარების ტენდენციები სხვადასხვა ქვეყნის ტექნიკური უნივერსიტეტების ანალოგიური პროგრამების გამოცდილების საფუძველზე, ასევე ლითონსაჭრელი იარაღების ნახაზები და მათი ნაირსახეობიდან განხილულია ისეთი გავრცელებული ტიპები, როგორიცაა: ფრეზები, ცილინდრული კბილანა თვლების კბილსაჭრელი იარაღები, კუთხვილსაჭრელი (საკუთხავი) იარაღები, აბრაზიული იარაღები, იარაღების კონსტრუქციის თავისებურებანი ავტომატიზებული წარმოებისათვის. სახელმძღვანელოზე მუშაობის პროცესში კრიტიკულად არის გაანალიზებული და ნაწილობრივ გამოყენებული განსაკუთრებით საინტერესო ნიმუშები სხვადასხვა დანიშნულების სახელმძღვანელოდან, საცნობარო ან სარეკლამო მასალებიდან და, რაც მთავარია, სამეცნიერო სახის პუბლიკაციებიდან, საჭრელი იარაღების ტიპებისა და მათი ეფექტურად გამოყენების შესახებ. განკუთვნილია მექანიკის ინჟინერიისა და ტექნოლოგიების პროგრამის სამივე საფეხურის სტუდენტებისა და ასევე ნებისმიერი მონათესავე მიმართულების ახალგაზრდა მეცნიერთათვის.
	რ. თურმანიძე, ვ. შილაკაძე, გ. ფოფხაძე ლითონსაჭრელი იარაღების კონსტრუქციები, გეომეტრიული პარამეტრები და გამოყენების ეფექტური არეები I ნაწილი უაკ: 621.7/9 დამხმარე სახელმძღვანელოში განხილულია ლითონსაჭრელი იარაღების ძირითადი ტიპები, გეომეტრიული პარამეტრები და გამოყენების ეფექტური არეები როგორც მჭრელი იარაღებისა და დასამუშავებელი მასალების თვისებებიდან, ისე ჭრის პირობებიდან გამომდინარე. მოცემულია მათი განვითარების ტენდენციები, სხვადასხვა ქვეყნის ტექნიკური უნივერსიტეტების ანალოგიური პროგრამების გამოცდილების საფუძველზე, ასევე ლითონსაჭრელი იარაღების ნახაზები და მათი ნაირსახეობიდან დაწვრილებითაა ჩამოთვლილი ისეთი გავრცელებული ტიპები, როგორიცაა: საჭრისები, ბურღები, ზენკერები, საფართები, საწელავები და ნახვრეტების დასამუშავებელი შიგსაჩარხი და კომბინირებული იარაღები. ამ დისციპლინისათვის გამოყოფილი საათებისა და, შესაბამისად, სილაბუსის შინაარსთან შესაბამისობის გამო, ავტორებმა ვერ შეძლეს დაწვრილებით განეხილათ განხილული იარაღების კომპიუტერული დაპროექტების საკითხები. განკუთვნილია მექანიკის ინჟინერიისა და ტექნოლოგიების პროგრამის სამივე საფეხურის სტუდენტებისა და ნებისმიერი მონათესავე მიმართულების ახალგაზრდა მეცნიერთათვის.
	M. Kakhiani, G. Japaridze, Al. Metreveli MACHINE PARTS უაკ: 621.81 The presented work is intended for students to complete their coursework in the following subjects: “Machine Parts," "Technical Mechanics," "Theory of Mechanisms and Machines and Fundamentals of Machine Parts," and "Fundamentals of Machine Design." The coursework aims to calculate a device or equipment. This work compiles all the necessary reference and graphical materials that students need during the coursework process, eliminating the need for additional literature searches. The reference materials required for calculations are provided in the form of "tables" and "appendices," which students will use but will not be included in their final work. Some of the presented problems include complete solutions, which will significantly assist students in their work and facilitate the problem-solving process. At this stage, the work includes four different problems, each with ten different data variants. Each problem considers the possibilities of selecting and designing details of various constructions and standard sizes. The work is accompanied by examples of working drawings.
	ს. კარიპიდისი, ა. შარვაშიძე, მ. ცოცხალაშვილი, პ. ბარბაქაძე, გ. ცხომელიძე რკინიგზის ელექტრომომარაგება და მატარებელთა წევა საკურსო სამუშაოს შესასრულებლად სასწავლო კურსში უაკ: 621.33 მეთოდური მითითებები შედგენილია სასწავლო კურსის სილაბუსის შესაბამისად. განკუთვნილია სატრანსპორტო სისტემებისა და მექანიკის ინჟინერიის ფაკულტეტის საბაკალავრო სწავლების „ტრანსპორტის“ საგანმანათლებლო პროგრამის სტუდენტებისათვის.
	გ. გოლეთიანი, ზ. ლაზარაშვილი, თ. ისაკაძე, ვ. ღვაჩლიანი, გ. გუგულაშვილი სურსათის წარმოების და სიცივის მიღების პროცესები და აპარატები უაკ: 664.0.66.02 სალექციო კურსში განხილულია სასურსათო პროდუქტების წარმოებისა და სიცივის მიღების ტექნოლოგიური პროცესების და მათი განხორციელებისათვის საჭირო მოწყობილობების მუშაობის თეორიული საფუძვლები, პროცესებისა და აპარატების გაანგარიშების მეთოდები. სალექციო კურსი განკუთვნილია „სასურსათო პროდუქტების წარმოება-გადამუშავებისა და სამაცივრო ტექნოლოგიის” ბაკალავრიატის საგანმანათლებლო პროგრამის სპეციალობის სტუდენტებისათვის. გარკვეულ დახმარებას გაუწევს აღნიშნული სპეციალობის მაგისტრატურისა და დოქტორანტურის სტუდენტებს, აგრეთვე კვებისა და სამაცივრო საწარმოებთან დაკავშირებულ ინჟინერ-ტექნიკურ პერსონალს.
	Т. Чигогидзе, Н. Кочладзе ПРОЕКТИРОВАНИЕ ИНТЕРЬЕРА ВИННОГО ЗАВОДА Mетодические Рекомендации по Выполнению Курсового Проекта უაკ: 747 Представленные методические рекомендации адресованы студентам бакалавриата, по дисциплине «Проектирование интерьера промышленного назначения» для выполнения курсового проекта «Проектирование интерьера винного завода». Определены цели и задачи проектирования, дан алгоритм, который объясняет порядок выполнения проектных решений и правила технического оформления курсового проекта.
	დ. ბუცხრიკიძე მაკრო, მიკრო და ნანოდონის გენერაციული ტექნოლოგიები უაკ: 620.16 სახელმძღვანელოში განხილულია ე.წ. მაღალი ტექნოლოგიების აღქმა თანამედროვე ეტაპზე, რაც გულისხმობს საზოგადოდ ინტეგრირებულ ტექნოლოგიებს, რომელიც ეფუძნება ისეთი დარგებისა და მეცნიერების უახლეს შედეგებსა და მიღწევებს, როგორიცაა მყარი ტანის ფიზიკა, ქიმია, მასალათმცოდნეობა, ინფორმატიკა, ტექნიკა და სხვა. მოცემულია ნაკეთობის მიღება-დამზადების სრულიად განსხვავებული იდეოლოგიაში იგულისხმება 3D CAD სახიდან გადასვლა უშუალოდ ნაკეთობაზე ტექნოლოგიური სისტემის _ ჩარხი-სამარჯვი-დეტალი-იარაღი (ჩსდი) _ გარეშე, დასამზადებელი ნაკეთობიდან მასალის მოცილების _ ჭრის გარეშე, პირიქით, მის მიღებას მასალის შრეებად დაშენებით სხვადასხვა პროგრესული მეთოდით. სახელმძღვანელო განკუთვნილია უმაღლესი ტექნიკური სასწავლებლების მექანიკის ინჟინერიისა და ტექნოლოგიის სპეციალობის მაგისტრატურისა და დოქტორანტურის სტუდენტებისათვის, აგრეთვე სამანქანათმშენებლო საწარმოთა სპეციალისტებისათვის.