უაკ: 551.583
განხილულია გლობალური კლიმატური სისტემა და კლიმატის რეგიონული ტიპები, ოკეანისა და ატმოსფეროს ცირკულაციური პროცესების როლი კლიმატის ჩამოყალიბებაში, ასევე ცნობები დედამიწის კლიმატის ცვალებადობის შესახებ ისტორიულ წარსულსა და ინსტრუმენტული გაზომვების ბოლო საუკუნე-ნახევრიან პერიოდში. განსაზღვრულია სათბური ეფექტი და მისი გამომწვევი ფაქტორები, მოცემულია გლობალური კლიმატის პროგნოზი 2100 წლამდე. ჩამოთვლილია გლობალური კლიმატის ცვლილებით გამოწვეული მთავარი საფრთხეები. დახასიათებულია გავლილი საუკუნის მანძილზე კლიმატის ცვლილება საქართველოში, შეფასებულია კლიმატის ცვლილების მიმართ საქართველოს ეკონომიკისა და ბუნებრივი ეკოსისტემების მოწყვლადობა. განხილულია კლიმატის ცვლილების პოლიტიკის ძირითადი ელემენტები, მათ შორის კიოტოს მექანიზმები და მათ წინაშე არსებული ბარიერები. დახასიათებულია კლიმატის ცვლილების დარგში საქართველოში მიღწეული ძირითადი შედეგები. განკუთვნილია საქართველოს ტექნიკური უნივერსიტეტის ბაკალავრებისათვის, შეიძლება გამოყენებულ იქნეს მაგისტრანტების, დოქტორანტების და სხვა უნივერსიტეტების სტუდენტების მიერ. საინტერესო იქნება კლიმატის ცვლილების პრობლემით დაინტერესებულ პირთა ფართო წრისათვის.
უაკ: 62-5
Рассмотрены принципы разработки и проектирования встраиваемых систем. Дано введение в архитектуру ввода/вывода встраиваемых систем; приведены стандарты интерфейса ввода/вывода для внешних устройств, включая интерфейсы PC/2, SPI, I2C, USB, а также сетевые интерфейсы CAN и LIN. Рассмотрены стандарты сетевого интерфейса, сетевой протокол TCP/IP, а также сегментация, мосты и маршрутизаторы сетей. Отдельно рассмотрены стандарты беспроводных сетей.Дан обзор встраиваемых систем, предназначенных для выполнения определенных специфических задач.Книга предназначена для бакалавров и магистрантов электроинженерных и энергетических специальностей, а также специалистов по информатике и компьютерной технике.
უაკ: 681.3
სახელმძღვანელო ერთგვარი ნიმუშია პრაქტიკოსი მასწავლებლისთვის, თუ როგორ შეადგინოს მაქსიმალურად ეფექტური პრაქტიკული დავალებები. სახელმძღვანელოს თემატიკა ისეა შედგენილი, რომ პროგრამული ბრძანებები, ელექტრული წრედები და პროგრამირებადი დაფა იძლევა სასურველი ციფრული მოწყობილობის შექმნის შესაძლებლობას.ნაშრომი განკუთვნილია ჩაშენებული სისტემების დაპროგრამებით დაინტერესებული სტუდენტებისა და ამ დარგში მომუშავე პირებისათვის. ის ელქტრონიკის საფუძვლებთან ერთად იძლევა ციფრული სისტემების დაპროგრამების შესწავლის საშუალებას.
უაკ: 656.21(075)
სახელმძღვანელო აგებულია საგანმანათლებლო პროგრამის შესაბამისი სასწავლო კურსის მოქმედი სილაბუსის მიხედვით, სადაც განხილულია რკინიგზის გამყოფი პუნქტების კლასიფიკაცია და ძირითადი ტექნიკური აღჭურვილობის განლაგების პრინციპები. მოცემულია ისრულ გადამყვანთა ტიპები, ლიანდაგთა პარკების სახეები და გამყოფი პუნქტების დაპროექტების ზოგადი წესები. განსაკუთრებული ყურადღება აქვს დათმობილი გამყოფი პუნქტების უმნიშვნელოვანესი ობიექტების – სადგურების სალიანდაგო განვითარების სქემებს, მათი მუშაობის ტექნოლოგიებს. განკუთვნილია სტუ-ის სატრანსპორტო და მანქანათმშენებლობის ფაკულტეტის ტრანსპორტის სპეციალობის ბაკალავრებისათვის. ასევე გამოადგება რკინიგზის სადგურებისა და კვანძების დაპროექტების დარგში მომუშავე ინჟინერ-ტექნიკურ პერსონალს და სარკინიგზო სპეციალობის პროფესიული სწავლების სტუდენტებს.
სახელმძღვანელოში განხილულია ჩაშენებული სისტემების არქიტექტურის საფუძვლები; Spartan, Virtex და Zung ოჯახების პროცესორების აგებისა და ფუნქციონირების თავისებურებები და მათი გამოყენების შესაძლებლობები სხვადასხვა დანიშნულების ციფრული ელექტრონული მოწყობილობების სინთეზისათვის.განსაზღვრულია ჩაშენებული სისტემების პროგრამირების პროცესის პროგრამული და ინსტრუმენტული უზრუნველყოფის პრინციპები და აპარატურული საშუალებები.სახელმძღვანელო განკუთვნილია ელექტრონიკის, ენერგეტიკის, ტელეკომუნიკაციისა და ინფორმატიკის სპეციალობების სტუდენტებისათვის. მისი დახმარებით შესაძლებელია სასწავლო პროცესის უზრუნველყოფა ჩაშენებული სისტემების სალექციო კურსებში (ბაკალავრიატი, მაგისტრატურა, დოქტორანტურა).
უაკ: 336
განიხილება ორგანიზაციების, დაწესებულებებისა და საწარმოების ფინანსების მართვის ძირითადი საკითხები თანამედროვე პირობებში. ჩამოყალიბებულია ფინანსური პოლიტიკის, ფინანსური სისტემისა და ფინანსური მენეჯმენტის თეორიული საფუძვლები, ქვეყნის ეკონომიკის მართვის საერთო სისტემაში ფინანსების ადგილი. სახელმწიფო კრედიტის, ბიუჯეტის, გადასახადების, ბიუჯეტგარეშე სპეციალური ფონდების, საბანკო სისტემის, არასაბანკო სადეპოზიტო დაწესებულებების – საკრედიტო კავშირების, მიკროსაფინანსო ორგანიზაციების, ვალუტების გადამცვლელი პუნქტების, დაზღვევის, ფასიანი ქაღალდების როლი, ფინანსების ძირითადი ფუნქციები, დანიშნულება, ასევე ფინანსური მენეჯმენტის კონცეპტუალური საფუძვლები, ფინანსური ბაზარი, აქტივების, კაპიტალის, ინვესტიციების, ფინანსური ნაკადების, რისკების, ანტიკრიზისული ფინანსური მართვის საკითხები.გაშუქებულია ფინანსური მათემატიკის საკვანძო საკითხრები, როგორიცაა: საბაზისო ფინანსური მაჩვენებლები, ფულის დროითი ღირებულების პროგნოზირება, სასესხო დავალიანების დაფარვის, ანუ კრედიტის ამორტიზაციის გეგმის შედგენის ვარიანტები, ფულადი მასის მართვის მოდელის პარამეტრების სრულყოფის, ასევე საბანკო მულტიპლიკატორის თავისებურებები და პროცენტის ძირითადი ფუნქციების ჩამოყალიბების პირველი მცდელობაა შემოთავაზებული. საკმაო ყურადღება ეთმობა წარმოების წრებრუნვის პროცესში ფინანსების წარმოშობის თავისებურებებს მარკეტინგული სტრატეგიის პირობებში.სახელმძღვანელო დამუშავებულია საქართველოს ტექნიკური უნივერსიტეტის ჰუმანიტარულ-სოცისალური ფაკულტეტის „საფინანსო, საბანკო და სადაზღვევო საქმის“ მიმართულებაზე (კათედრაზე), რომელშიც განიხილება საწარმოების, ორგანიზაციებისა და დაწესებულებების ფინანსების მართვის თეორიული, მეთოდოლოგიური და პრაქტიკული ასპექტები ავტორების სამეცნიერო, პედაგოგიური და პრაქტიკული საქმიანობის გამოცდილების გათვალისწინებით.განკუთვნილია ფინანსური მენეჯერებისათვის, საფინანსო-ეკონომიკური სამსახურის თანამშრომლებისათვის, უმაღლესი სასწავლებლების მასწავლებლებისათვის, ბაკალავრებისათვის, მაგისტრანტებისათვის, დოქტორანტებისათვის, ფინანსური საქმიანობით დაინტერესებული სპეციალისტებისათვის.
უაკ: 620.9
საქართველოს ინდუსტრიულ, საყოფაცხოვრებო, კომერციულ და საზოგადოებრივ სექტორში კვალიფიციური ენერგომენეჯერების დეფიციტის პრობლემის გადასაწყვეტად დღის წესრიგში დადგა ენერგომენეჯმენტის სახელმძღვანელოს შექმნის აუცილებლობა. წინამდებარე სახელმძღვანელოში განხილულია ენერგომენეჯმენტის პროგრამები, პროექტების მენეჯმენტი, ენერგომენეჯმენტის ფინანსური ასპექტები და ენერგოაუდიტი, ენერგოუსაფრთხოება. სახელმძღვანელო სტუდენტებს მისცემს ფუნდამენტურ ცოდნას ენერგიის მოხმარების მართვის, წარმოებისა და გარდაქმნის ტექნოლოგიებში. განუვითარებს მათ რაოდენობრივი შეფასების, ენერგეტიკის საკითხების ანალიზის, პროგნოზირების, კაპიტალდაბანდებების და დანახარჯების გაანგარიშების, სასიცოცხლო ციკლის ეკონომიკური ანალიზის, გარემოზე ზეგავლენის შეფასებას, საქმიანობის ეფექტური დაგეგმვის და მართვის უნარ-ჩვევებს. სახელმძღვანელო განკუთვნილია ენერგეტიკისა და ტელეკომუნიკაციის ფაკულტეტის მაგისტრანტებისა და დოქტორანტებისათვის, აღნიშნული საკითხებით დაინტერესებულ მკითხველთა ფართო წრისათვის. სახელმძღვანელოს გამოცემა უზრუნველყოფილია ამერიკის შეერთებული შტატების საერთაშორისო განვითარების სააგენტოს (USAID) მიერ დაფინანსებულ „ენერგეტიკის სექტორის შესაძლებლობების გაუმჯობესების პროექტის“ ფარგლებში. მის გამოცემას საფუძვლად დაედო (USAID)-ის კონტრაქტორს Advanced Engineering Associates International, Inc.-სა და საქართველოს ტექნიკურ უნივერსიტეტს შორის დადებული №ECI-EDU-GA-05 საგრანტიო ხელშეკრულება.
უაკ: 51