უაკ: 626.87:628.366:62-397
სალექციო კურსში განხილულია სამშენებლო და სამელიორაციო მანქანები, მათი მუშაობის პრინციპები, მოცემულია ძირითადი პარამეტრების განსაზღვრა და სამუშაო ორგანოების რეგულირებები. კერძოდ დახასიათებულია ღია სარწყავი და დამშრობი არხების გასაყვანი, არხების მოსაპირკეთებელი და არხსაწმენდი მანქანები, ძირითადი სამუშაო ორგანოები და რეგულირებები. განხილულია ღია და დახურული დრენაჟის მოსაწყობი, აგრეთვე კულტტექნიკური სამუშაოების ჩასატარებელი მანქანები, საექსპლუატაციო პარამეტრები. სასოფლო-სამეურნეო კულტურების სარწყავი მანქანები, წვეთოვანი რწყვის თანამედროვე სისტემები, მათი საექსპლუატაციო პარამეტრები და რეგულირებები.წიგნი განკუთვნილია აგროსაინჟინრო სპეციალობის სტუდენტებისათვის, რომელთა მიზანია დაეუფლონ სასოფლო-სამეურნეო კულტურების მოვლა-მოყვანის თანამედროვე სამანქანო ტექნოლოგიებს, სამშენებლო და სამელიორაციო მანქანების სამუშაო ორგანოების ძირითად რეგულირებებსა და საექსპლუატაციო პარამეტრების განსაზღვრის მეთოდებს, სამშენებლო და სამელიორაციო მანქანებისა და სისტემების ეფექტურად გამოყენებას სასოფლო-სამეურნეო კულტურების წარმოების საქმეში.
უაკ: 626.8
სალექციო კურსში განხილულია ჰიდროტექნიკურ მშენებლობათა განვითარების მოკლე ისტორიული საკითხები; მოცემულია ჰიდროტექნიკური ნაგებობების სახეები, მათი დანიშნულება და კლასიფიკაცია; ჰიდროკვანძები და ჰიდროსისტემები; წყალშემტბორავ ნაგებობათა ზოგადი მიმოხილვა და მათი კლასიფიკაცია; ჰიდროტექნიკურ ნაგებობებზე მოქმედი ძალები და დატვირთვები; წყლის ფილტრაცია ჰიდროტექნიკურ ნაგებობათა ქვეშ და მათი გარშემოვლით; მიწის, მასიური (გრავიტაციული) კაშხლები კლდოვან და არაკლდოვან ფუძეზე; ქვაყრილი, ბეტონისა და რკინაბეტონის თაღოვანი კაშხლები; ბეტონისა და რკინაბეტონის კონტრფორსული კაშხლები; რბილგარსიანი და ზოგიერთი სხვა ტიპის დაბალდაწნევიანი კაშხლები; არხები; წყალგამტარი და შემაუღლებელი ნაგებობები; ჰიდროტექნიკურ ნაგებობათა საკეტები; ღია კალაპოტების რეგულირება; დაბალდაწნევიანი წყალამღები ნაგებობები; სალექრები; კავიტაცია და მის უარყოფით გამოვლენებთან ბრძოლის ძირითადი მეთოდები; მელიორაციული ჰიდროტექნიკური ნაგებობების ზოგადი მიმოხილვა; ჰიდროტექნიკური ნაგებობების ექსპლუატაცია და რემონტი.სამელიორაციო დანიშნულების ნაგებობების დაგეგმარების და მშენებლობა-ექსპლუატაციის დროს განსაკუთრებული მნიშვნელობა ენიჭება სწორი საინჟინრო გადაწყვეტის მიღებას, რომელიც თანამედროვე საინჟინრო-ტექნიკურ მიღწევებს უნდაეფუძნებოდეს. ამიტომ, სალექციო კურსის „სამელიორაციო ნაგებობები“ სწავლების ძირითადი მიზანია სამელიორაციო ჰიდროტექნიკური ნაგებობების დანიშნულების, განლაგებისა და შემადგენლობის შესწავლა; ჰიდროტექნიკურ ნაგებობათა კლასები და დაგეგმარების სტადიები.სალექციო კურსი განკუთვნილია საქართველოს ტექნიკური უნივერსიტეტის აგრარული მეცნიერებებისა და ბიოსისტემების ინჟინერინგის ფაკულტეტის აგროინჟინერიის სპეციალობის სტუდენტებისათვის და იმ სპეციალისტებისთვის, რომლებიც მუშაობენ ჰიდროინჟინერიის, ჰიდროტექნიკური მელიორაციის, სასოფლო-სამეურნეო წყალმომარაგების და ჰიდროლოგიის განხრით.
უაკ: 669.15–194
სალექციო კურსში განხილულია სხვადასხვა დანიშნულების ფოლადების შედგენილობა, სტრუქტურა და თერმული დამუშავების რეჟიმები, ლეგირებული ფოლადების უპირატესობა ჩვეულებრივ ნახშირბადიან ფოლადებთან შედარებით. ყურადღება გამახვილებულია ლეგირებული ფოლადებისათვის დამახასიათებელ დეფექტებზე, მათი წარმოქმნის მიზეზებსა და აღმოფხვრის ხერხებზე. გამოცემა განკუთვნილია მასალათმცოდნეობის სპეციალობის ბაკალავრიატის სტუდენტებისათვის.
უაკ: 666.1:666.3/.7
სალექციო კურსში განხილულია საქართველოს ტერიტორიაზე და მსოფლიოს სხვადასხვა კუთხეში მინისა და კერამიკული წარმოების ჩასახვისა და განვითარების ისტორიული ასპექტები ისტორიამდელი პერიოდიდან დღემდე; დახასიათებულია ნაკეთობების ძირითადი სახეობები და მოცემულია მათი კლასიფიკაცია; აღწერილია ტექნოლოგიური სრულყოფის საფეხურები პრიმიტიული ნაკეთობებიდან თანამედროვე ნაწარმის ტექნოლოგიური დახასიათებით დამთავრებული; მოცემულია ნაკეთობათა დამზადების ზოგადი ტექნოლოგია და გამოყენებული ნედლეულის დახასიათება. გამოცემა განკუთვნილია ქიმიური ტექნოლოგიისა და მეტალურგიის ფაკულტეტის; საინჟინრო ეკონომიკის, მედიატექნოლოგიებისა და სოციალურ მეცნიერებათა ფაკულტეტის; თსსა რესტავრაციის, ხელოვნების ისტორიისა და თეორიის ფაკულტეტის (და არამარტო) ბაკალავრიატისა და მაგისტრატურის სტუდენტებისათვის.
უაკ: 622.323:622.324
სალექციო კურსში გაშუქებულია ნავთობისა და გაზის დაგროვებების ძიებისას ფორმაციული და ლითოლოგიურ-ფაციესური ანალიზი. განხილულია ფორმაციის არსი, გამოყოფის პრინციპები და ტიპები; ნავთობგაზშემცველი ფორმაციები, ნავთობგაზშემცველი ფორმაციების რეგიონული ნავთობგაზიანი კომპლექსები; დანალექი ფაციესები და მათი წარმოშობისა და განაწილების კანონზომიერებები; ნავთობგაზშემცველი ფაციესები; რიტმულობის და ციკლურობის არსი, ციკლური ანალიზების მეთოდები; ნავთობგაზშემცველ ფაციესებსა და ფორმაციებში ნავთობისა და გაზის არასტრუქტურული ტიპის დაგროვების ძიების გეოლოგიურ-გეოფიზიკური კვლევის კომპლექსი.სალექციო კურსი განკუთვნილია უმაღლესი სასწავლებლების ნავთობისა და გაზის ტექნოლოგიების მიმართულების მაგისტრანტებისა და დოქტორანტებისთვის.
უაკ: 658.514:621.398
სალექციო კურსში განხილულია მაგისტრალური ნავთობსადენების და გაზსადენების ოპერატიულ-დისპეტჩერული მართვის (ოდმ) და ტელემექანიკის თანამედროვე სისტემების ფუნქციები და გადასაწყვეტი ამოცანები, სტრუქტურა, მოქმედების პრინციპი და ასეთ სისტემებში გამოყენებული ძირითადი ტექნიკური საშუალებები. ძირითადი ყურადღება გამახვილებულია ოდმ-ის სისტემების არქიტექტურაზე, SCADA პაკეტებზე, რეალური დროის ოპერაციულ სისტემებსა და საკომუნიკაციო ქსელებზე. ოდმ-ის ძირითადი ასპექტები და აგების რეკომენდაციები გაკეთებულია საქართველოს მაგისტრალური გაზსადენების სისტემის მაგალითზე. გამოცემა განკუთვნილია საქართველოს ტექნიკური უნივერსიტეტის სამთო-გეოლოგიური ფაკულტეტის სტუდენტებისთვის.
უაკ: 595.70+59
სალექციო კურსში მოკლედ არის მოცემული მწერების ანატომია, ბიოლოგია, ეკოლოგია, სისტემატიკა და კლასიფიკაცია; სასოფლო-სამეურნეო კულტურების ძირითადი მავნებლები და მათ წინააღმდეგ ბრძოლის მეთოდები და საშუალებები. გამოცემა განკუთვნილია უმაღლესი სასწავლებლების აგრარული ფაკულტეტის ბაკალავრიატის სტუდენტებისათვის. ის ასევე დახმარებას გაუწევს ენტომოლოგიის ხაზით მომუშავე სპეციალისტებს და მცენარეთა დაცვის დარგში მომუშავე პირებსაც.
უაკ: 626/627
სალექციო კურსში განხილულია შემდეგი თემები: მცირე ჰიდროენერგეტიკის როლი და ადგილი ენერგეტიკულ სისტემაში, საქართველოს მდინარეების მცირე ჰიდროენერგეტიკული ტექნიკური პოტენციალის განსაზღვრის მეთოდი გარემოს დაცვის გათვალისწინებით, მცირე ჰესების კლასიფიკაცია სიმძლავრის მიხედვით, მცირე სიმძლავრის ჰესების დაპროექტების პრინციპები, წყლის ხარჯისა და დაწნევის განსაზღვრის მეთოდები, მცირე სიმძლავრის ჰესებში გამოყენებული ჰიდრავლიკური მანქანები დაწნევის დიაპაზონის მიხედვით, შუაში, ქვემოდან და ზემოდან წყალმიშვებული, დარტყმითი, მოტივტივე, შოტლანდიური წყლის ბორბლების მუშაობის პრინციპები, მათი კონსტრუქციული ელემენტების გაანგარიშება, მცირე სიმძლავრის ჰესებში გამოყენებული ჰიდროტურბინების სახეობები, მცირე ჰესების წყალმიმღების ადგილის შერჩევის პრინციპები, მცირე სიმძლავრის ჰესების მოწყობის შესაძლებლობა არსებულ ენერგეტიკულ, არაენერგეტიკულ ობიექტებზე და საყოფაცხოვრებო სექტორში. სალექციო კურსი შეესაბამება სასწავლო დისციპლინის „მიკრო-, მინი- და მცირე ჰესების ჰიდროენერგეტიკული მოწყობილობების დაპროექტება - 1“ სილაბუსს. გამოცემა გათვალისწინებულია „ენერგეტიკის და ელექტროინჟინერიის“ სამაგისტრო პროგრამის სტუდენტებისთვის.
უაკ: 061.47
მეთოდურ მითითებაში განხილულია საკვირაო მობილური ბაზრის წარმოშობის ისტორია, განვითარების ეტაპები, ორგანიზების თავისებურებები, მისი განმსაზღვრელი ძირითადი პირობები, მასში მიმდინარე პროცესები და ა.შ. ყურადღება გამახვილებულია საკვირაო მობილური ბაზრის ორგანიზების ისეთ საკითხებზე, როგორიცაა: ბაზრის განთავსების ადგილის შერჩევის პრობლემები, სხვადასხვა ტიპისა და ფუნქციის მქონე დახლის დაპროექტების პრინციპები და სხვ.მეთოდური მითითება განკუთვნილია საქართველოს ტექნიკური უნივერსიტეტის, არქიტექტურის, ურბანისტიკისა და დიზაინის ფაკულტეტის ბაკალავრიატის სტუდენტებისთვის.