უაკ: 687.1
განხილულია ციფრული პროგრამული მართვის თანამედროვე საკერავი მანქანები. შესწავლილია ფირმა Juki-ის, მინევრას, დიურკოპ-ადლერის, Shangon-ის ნახევრად ავტომატები; ორ და სამძაფიანი ჯაჭვური გვირისტის მანქანები; რობოტიზებული საკერავი მანქანები; სამკერვალო ნაწარმის კერვის პროცესში გამოყენებული მანიპულატორები; ნაწარმის გასაფორმებელი საქარგავი მანქანები და ავტომატები; უძაფო საკერავი მანქანები; საკერავი მანქანის გაუმართავი მუშაობის დიაგნოსტიკის საკითხები. განკუთვნილია მსუბუქი მრეწველობის ნაწარმის მოდელირება და ტექნოლოგიის სპეციალობის სტუდენტებისა და მაგისტრანტებისათვის. დიდ დახმარებას გაუწევს პროფესიული სწავლების სტუდენტებს და ამ დარგში მომუშავე ინჟინერ-ტექნიკურ პერსონალს საკერავი მანქანის ძირითადი მექანიზმების დარეგულირებისათვის პრაქტიკული სამუშაოების შესრულებისას.
უაკ: 513.71:658.26
წიგნში გაშუქებულია ელექტროენერგიის წარმოების, გადაცემისა და განაწილების ტექნოლოგიური ასპექტები, ენერგოსისტემის რეჟიმების მართვისა და ექსპლუატაციის საიმედოობის საკითხები, ქსელების დაპროექტების ელემენტები და ტექნოლოგიური კომპლექსების ელექტრომომარაგებისა და ენერგოუსაფრთხოების ეკონომიკური და ორგანიზაციული ასპექტები. წიგნი დაწერილია ენერგეტიკისა და ტელეკომუნიკაციის ფაკულტეტის „სათბობ-ენერგეტიკული კომპლექსების მენეჯმენტის“ მიმართულების ბაკალავრ-მაგისტრანტების საწავლო პროგრამების შესაბამისად. იგი დიდ დახმარებას გაუწევს, აგრეთვე, ამავე მიმართულების დოქტორანტებსა და მონათესავე მიმართულების ბაკალვრ-მაგისტრანტებს.
უაკ: 004.43
დამხმარე სახელმძღვანელო, HTML ენის ელემენტარული საფუძვლებიდან დაწყებული და რთული პრაქტიკული საკითხებით დამთავრებული, საკითხების ფართო სპექტრს მოიცავს. ასევე, მოყვანილია Web-გვერდების შექმნის მრავალი მაგალითი და შესასრულებლად გამზადებულ პროგრამათა ტექსტები HTML ენის გამოყენებით. დამხმარე სახელმძღვანელო განკუთვნილია ინფორმატიკისა და მართვის სისტემების ფაკულტეტის პროფესიული სწავლებისა და ბაკალავრიატის სტუდენტებისათვის, აგრეთვე, Web-გვერდების შექმნით დაინტერესებული სხვა სპეციალისტებისათვის.
უაკ: 657.1.011.56
რეკომენდებულია დამხმარე სახელმძღვანელოდ ინფორმატიკის ფაკულტეტის პროფესიული და ბაკალავრიატის სტუდენტებისთვის. შეიძლება გამოყენებულ იქნეს აგრეთვე საბუღალტრო დარგში მომუშავე პრაქტიკოსებისა და შესატყვისი სპეციალობის სტუდენტებისათვის.მეთოდური მითითებები განკუთვნილია ლაბორატორიული სამუშაოების ჩასატარებლად საგანში − „საბუღალტრო აღრიცხვის ავტომატიზებული სისტემა“. აგებულია საბუღალტრო აღრიცხვის ავტომატიზებულ პროგრამაზე − „ORIS-ბუღალტერია.“
უაკ: 744.42
დამხმარე სახელმძღვანელოში განხილულია მანქანა დანადგარების სახასიათო დეტალებისა და კვანძების ნახაზების გაფორმების მეთოდები და წესები სტანდარტების შესაბამისად (სახასიათო დეტალებისა და კვანძების ნახაზებით).დამხმარე სახელმძღვანელო განკუთვნილია სატრანსპორტო და მანქანათმშენებლობის ფაკულტეტის სტუდენტებისა და მაგისტრანტებისათვის, ასევე იმ თანამშრომლებისათვის, ვისთვისაც სამეცნიერო სამუშაოების შესრულების დროს საჭიროა ნახაზების გაფორმება სტანდარტების შესაბამისად.
უაკ: 311.2
დამხმარე სახელმძღვანელო „სტატისტიკური აღრიცხვა“ შედგენილია საგნის მოქმედი სასწავლო პროგრამის შესაბამისად. იგი განკუთვნილია საქართველოს ტექნიკური უნივერსიტეტის ეკონომიკური სპეციალობის სტუდენტებისათვის. დამხმარე სახელმძღვანელო მოიცავს სამ განყოფილებას: სტატისტიკის ზოგად თეორიას, ეკონომიკურ სტატისტიკას და დარგობრივ სტატისტიკას. თითოეული განყოფილება შედგება შესაბამისი თემებისაგან, რომლებიც სრულყოფილია ფორმულებით, სქემებით, ცხრილებით და ამოცანებით. თემის ბოლოს მოცემულია საკვანძო კითხვები.დამხმარე სახელმძღვანელო, „სტატისტიკური აღრიცხვა“, ინტერეს მოკლებული არ იქნება მასში განხილული საკითხებით დაინტერესებულ პირთათვისაც.
უაკ: 681.32
დამხმრე სახელმძღვანელოში განხილულია ძირითადი ლოგიკური ოპერაციები და მათი რეალიზაციის მეთოდები ინტეგრალური ელემენტების გამოყენებით. მოცემულია სქემატექნიკური მოდელირების პროგრამის Multisim10-ის კომპონენტების ბიბლიოთეკაში არსებულ SN74, CD4000, CD4500 სერიებში შემავალი ციფრული ინტეგრალური მიკროსქემების, თანამედროვე დამხსომებელი მოწყობილობების, მიკროკონტროლერებისა და პროგრამირებადი ლოგიკური მატრიცების მოქმედების პრინციპის აღწერა. განხილულია საშუალო და დიდი ინტეგრაციის ციფრული მიკროსქემების გამოყენებით როგორც ხისტი, ისე პროგრამირებადი ლოგიკის მქონე ციფრული მოწყობილობების პროექტირების საკითხები. დამხმრე სახელმძღვანელო შედგენილია ელექტროტექნიკური სპეციალობის ბაკალავრიატის სტუდენტებისათვის, შესაბამისი სილაბუსების მიხედვით. იგი სასარგებლო იქნება, აგრეთვე, ამავე დარგის მაგისტრანტებისა და მკითხველთა იმ წრისათვის, რომლებიც დაინტერესებულნი არიან ციფრული მოწყობილობის პროექტირების საკითხებით.
უაკ: 62-5
მეთოდიკურ მითითებებში მოყვანილია ყველა ის მასალა და პრაქტიკული სამუშაო, რომელიც სტუდენტმა უნდა შეასრულოს ყოველკვირეული პრაქტიკული მეცადინეობისას როგორც საკონტაქტო, ასევე დამოუკიდებელი მუშაობის პროცესში.მოცემულ მეთოდიკურ მითითებებში შემოთავაზებული მასალა აუცილებელია და საკმარისი, რათა სტუდენტი დაშვებულ იქნეს დასკვნით გამოცდაზე. მეთოდიკური მითითებები ასრულებს სამუშაო რვეულის ფუნქციასაც. აღნიშნული მასალის გარდა გამოცდისათვის უნდა მომზადდეს სხვა საკითხებიც, რაც გათვალისწინებულია საგნის სასწავლო პროგრამით და წაიკითხება ლექციების კურსში.ყოველი შესრულებული დავალება მოწმდება და მტკიცდება პედაგოგის ხელმოწერით.განკუთვნილია სტუ-ის ინფორმატიკისა და მართვის სისტემების ფაკულტეტის სტუდენტებისათვის და მათთვის ვინც, აღნიშნულის საფუძველზე, შეისწავლის კომპიუტერის არქიტექტურისა და ორგანიზაციის საფუძვლებს.
უაკ: 681.3.06
მოცემულია MS Access გარემოში ლაბორატორიული სამუშაოების შესრულების აღწერილობა საგანში „მონაცემთა ბაზების დაპროექტება“. განკუთვნილია ინფორმატიკის სფეროს სტუდენტებისათვის.