ეს სიტყვები ერთ შემთხვევაში სინონიმებია და ნიშნავს – ძალიან დიდი ფასის მქონე: „დიახ! დაუფასებელი რამ არის იმედი“ (ი. გოგებ.); მწერლის ნაღვაწი შეუფასებელია; ილიას ღვაწლი ფასდაუდებელია ქართველი ერის წინაშე, მაბრამ დაუფასებელი: ვინც ან რაც არ დაუფასებიათ (დაუფასებელი მხატვარი / მეცნიერი / ამაგი...); შეუფასებელი: რაც არ შეუფასებიათ. შეფასების გარეშე დარჩენილი (შეუფასებელი ქონება).

დაუჩოქია (დაიჩოქებს; დაიჩოქა): დაუჩოქია (თვითონ); დაუჩოქებია (დააჩოქებს; დააჩოქა): დაუჩოქებია (სხვა).

 დაუძინია (დაიძინებს; დაიძინა): დაუძინია (თვითონ); დაუძინებია (დააძინებს; დააძინა): დაუძინებია (ბავშვი).

დაშაქრული: რაც დაშაქრეს, შაქრით დაატკზბეს (დაშაქრული ჩაი / ყავა / მარწყვი...); შ დ რ.: დაშაქრული ენა; დაშაქრებული: რაც დაშაქრდა, რამაც შაქარი გამოყო (დაშაქრებული მურაბა / ჩურჩხელები).

დაჭდევა: ჭდის გაკეთება, ამოჭრა; დაჭდობა: ნაჭდევით ორი ძელის ერთმანეთში მჭიდროდ ჩასმა. ჩამაგრეგა.

დეკორატიული: ადგილის დამამშვენებელი. ლამაზი, ეფექტური (დეკორატიული მცენარეები / ვაზა); დეკორაციული: დეკორაციასთან დაკავშირებული (დეკორაცია: 1. თეატრ. სცენაზე მოქმედების ადგილის მხატვრული გაფორმება; 2. გადატ. მოჩვენებითი რამ ნაკლის დასაფარავად (გარეგნულად ლამაზი და მიმზიდველი): დეკორაციული კოსმეტიკა.

დეპორტი: სპეციალური გარიგება ბირჟაზე საკურსო განსხვავების მისაღებად; დეპორტაცია: იძულებითი გასახლეგა ქვეყნიდან.

დეფექტიანი (ადამიანი); დეფექტური (მეტყველება / იარაღები); შ დ რ.: დეფექტური ზმნები.

დიდი: ჩვეულებრივზე მეტი სიდიდით, ზომით, მოცულობით, ტევადობით, რაოდენობით, სივრცით: „დიდ აღმართს დიდი დაღმართიც მოსდევსო“ (ანდაზა); დიდი ჯარი იდგა საზ­ღვარზე; დიადი: თავისი მნიშვნელობით დიდი; დიდებული, ძლევამოსილი: „საქმე კეთდება დიადი“ (ბაჩ.).

დისკრეტული: ნაწყვეტ-ნაწყვეტი, წყვეტილი: ცალკეული ნაწილებისაგან შემდგარი (დისკრეტული სიდიდეები); დისკრეციული: პირადი შეხედულების მიხედვით. თავისი შეხედულებისამებრ მოქმედი.

 დიფერენციული: განსხვავებული (სიდიდის, პირობების... მიხედვით); დიფერენციალური (აღრიცხვა): უმაღლესი მათემატიკის დარბი.

დოგმატური: დოგმებზე დამყარებული; უკრიტიკოდ გაზიარებული (დოგმატური დებულებები); დოგმატიკური (მწერლობა): საეკლესიო მწერლობის დარგი, რომელშიც გამოხატულია ქრისტიანობის იდეური მხარე. მისი ფილოსოფია (კ. კეკელ.).

ეთიკური: ეთიკასთან დაკავშირებული: ეთიკური ნორმები (ეთიკა – მოძღვრება ზნეობისა და მორალის შესახებ); ესთეტიკური: ესთეტიკასთან დაკავშირებული: ესთეტიკური სიამოვნება (ესთეტიკა – მომღვრება ხელოვნებისა და, საერთოდ, მშვენიერების შესახებ).

ეკლესიური (ყოფა; შდრ.: ეკლესიური ადამიანი); საეკლესიო (სკოლა / მიწები; შდრ.: საეკლესიო მწერლობა / ლიტერატურა).

ეკონომიური: ეკონომიის მომცემი. მომჭირნეობითი (ეკონომიური ხარჯვა); ეკონომიკური: ეკონომიკაზე დამყარებული; ეკონომიკასთან დაკავშირებული: ეკონომიკური დონე / პოლიტიკა / ტერმინოლოგია; ეკონომიკურ მეცნიერებათა დოქტორი (ეკონომიკა: 1. ადამიანთა წარმოებითი ურთიერთობების ერთობლიობა. რომელიც შეესაბამება საზოგადოების საწარმოო ძალთა განვითარების განსაზღვრულ საფეხურს; 2. სახალხო მეურნეობისა და მისი ცალკეული დარგების მდგომარეობა; 3. მეც­ნიერება, რომელიც სწავლობს სამეურნეო ცხოვრების რომელიმე დონეს).

ელემენტური (ანალიზი): ელემენტების მიხედვით განხილვა; ელემენტარული: 1. დაწყებითი; 2. მარ­ტივი, უბრალო; ყველასათვის ცნობილი; მინიმალურად აუცილებელი.

ელექტროლიზი: ნივთიერების შემადგენელ ნაწილებად დაშლისა და ამ ნაწილების ელექტროდებზე გამოყოფის პროცესი (ელექტროლიტში დენის გავლისას); ელექტროლიტი: ქიმიური ნივთიერება, რომელიც იშლება შემადგენელ ნაწილებად მასში ელექტრული დენის გავლის შედეგად.

ელექტრული: ელექტრობასთან დაკავშირებული (ელექტრული დენი / ველი / მუხტი...); ელექტრონუ­ლი: ელექტრონთან დაკავშირებული (ელექტრონული მიკროსკოპი...).

ერთხელ (თითო აბი დღეში ერთხელ); ერთჯერ (ერთჯერ ორი ორია).

ესკადრა: სამხედრო ხომალდების მსხვილი შენაერთი; ესკადრილია: სამხედრო-საავიაციო შენაერთი. რომელიც თვითმფრინავების რამდენიმე რაზმისგან შედგება; ესკადრონი: ცხენოსანი ჯარის ერთეული.