უაკ: 624.131.21
სალექციო კურსში განხილულია ანტიკოროზიული და დეკორატიული გალვანური დანაფარების მიღების ტექნოლოგიები. დაწვრილებითაა აღწერილი მოთუთიების, მოკადმიუმების, მოსპილენძების, მონიკელების, მოქრომვის, მოკალვის, მოოქროვების, მოვერცხვლის და სხვა პროცესები, მოცემულია გალვანური დანაფარების ხარისხზე ელექტროლიტის შედგენილობისა და ელექტროლიზის პირობების გავლენის საკითხები. კურსი მოიცავს, აგრეთვე, გალვანური მეთოდით ორიგინალის ასლების დამზადების ტექნოლოგიას.გამოცემა განკუთვნილია ქიმიური ტექნოლოგიისა და მეტალურგიის ფაკულტეტის სტუდენტებისათვის.
უაკ: 331.015.11:389.6:621.01
მეთოდიკურ მითითებებში მოცემულია პრაქტიკული მაგალითები სტანდარტების შესაბამისად ჩასმებისა და დაშვებების გაანგარიშებისა და ნახაზების შესასრულებლად, რასაც ითვალისწინებს „მექანიკის ინჟინერიის“ ბაკალავრიატის საგანმანათლებლო პროგრამის სასწავლო კურსი „ურთიერთშეცვლადობა, სტანდარტიზაცია და ტექნიკური გაზომვები“.გამოცემა განკუთვნილია „მექანიკის ინჟინერიის“ ბაკალავრიატის სტუდენტებისათვის.
უაკ: 76:681.3
დამხმარე სახელმძღვანელო „მასშტაბირებადი ვექტორული გრაფიკა - SVG“, განხილულია ყველა ელემენტი და ატრიბუტი მაგალითებითა და შედეგებით, ასევე ვექტორულ გრაფიკასთან მუშაობისას შევეხეთ პროგრამა Adobe illustrator-ს, რომლის საშუალებითაც განვიხილეთ მეთოდები.გამოცემა გათვლილია ყველა დაინტერსებული მკითხველისათვის, სასურველია მკითხველს ჰქონდეს HTML5 და CSS3 ენების მინიმალური ცოდნა.
უაკ: 621.313.33
დამხმარე სახელმძღვანელოში განხილულია ასინქრონული ძრავას ძირითადი მახასიათებლები, სიხშირული მართვის თეორიული ნაწილი. მოცემულია განივ-იმპულსური და სივრცით-ვექტორული სიხშირის გარდამსახების მუშაობის პრინციპები, სამრეწველო დანიშნულების ვექტორული მართვის სიხშირის გარდამსახების სქემები და მუშაობის პრინციპები.გამოცემა განკუთვნილია ელექტროენერგეტიკის მიმართულების ელექტრომომარაგების, ელექტროამძრავისა და ელექტრომექანიკის სპეციალობების ბაკალავრიატის და მაგისტრატურის სტუდენტებისათვის.
მეთოდიკურ მითითებებში წარმოდგენილია საკურსო მოცემულობები, კვანძების კონსტრუქციების აღწერა და მათი ტექნიკური დახასიათებები; მოცემულია რეკომენდაციები ჩასმების სწორად შესარჩევად სხვადასხვა სახის შეერთებისათვის,ასევე საცნობარო მასალა დეტალების ნახაზების გასაფორმებლად. შემუშავებული მეთოდიკური მითითებების გამოყენება შეიძლება როგორც პრაქტიკული, ისე საკურსო და საკვალიფიკაციო ნამუშევრების შესასრულებლად.
უაკ: 629.1.014
სალექციო კურსში გაშუქებულია ქანების მასივის მდგომარეობის მართვა ღია წესით დამუშავებისას. ლექციების კურსში მოცემულია მოკლე ცნობები ქანების დეფორმაციის ფორმების შესახებ ღია წესით დამუშავების დროს; განხილულია ქანების დეფორმაციაზე მოქმედი ფაქტორები; საფეხურის (ნაყარის) მდგრადობის ანგარიში. განმარტებულია კარიერის გვერდების და ნაყარის მდგრადობის უზრუნველყოფის ხერხები. მოცემულია საკარიერო ველის დაშრობის ტექნიკური საშუალებები. გამოცემა განკუთვნილია „ღია სამთო სამუშაოების“ სპეციალობის მაგისტრანტებისათვის, აგრეთვე სამთო-გეოლოგიური ფაკულტეტის სტუდენტებისათვის. იგი დიდ დახმარებას გაუწევს პრაქტიკულ საქმიანობაში სამთო საწარმოთა ინჟინერ-ტექნიკურ პერსონალს.
უაკ: 622.791
სალექციო კურსში აღწერილია კოროზიის მოვლენა, მისი მნიშვნელობა ეკონომიკისა და უსაფრთხოებისათვის. განხილულია ძირითადი ელექტროქიმიური და კოროზიული განმარტებები, კანონზომიერებები და ექსპერიმენტული მონაცემები. დაწვრილებით აღწერილია მოვლენების თერმოდინამიკური და კინეტიკური მხარეები. განხილულია კოროზიის კონტროლის, ინსპექციის და დაცვის მეთოდები. გამოცემა განკუთვნილია ქიმიური ტექნოლოგიისა და მეტალურგიის ფაკულტეტის სტუდენტებისათვის.
უაკ: 638.24
სალექციო კურსი შედგენილია სასწავლო კურსის „შესავალი ადამიანური რესურსების მენეჯმენტში“ სილაბუსის მიხედვით. მასში მოცემულია 15 სალექციო თემა. განხილულია ადამიანური რესურსების მართვის მეთოდები, ამოცანები, შრომითი კოლექტივის სახეები მათი ფორმირების გზები და სხვ. ნაშრომი განკუთვნილია სტუ-ის სამშენებლო ფაკულტეტის მშენებლობის მენეჯმენტის სპეციალობის ბაკალავრიატისა და მაგისტრატურის სტუდენტებისა და პედაგოგებისათვის.
უაკ: 546:547:517
დამხმარე სახელმძღვანელოში ტოპოლოგიური ინდექსების მეთოდის ბაზაზე განხილულია არაორგანული და ორგანული ნაერთების აღნაგობასა და მათ ფიზიკურ-ქიმიურ თვისებებს შორის კავშირის მათემატიკურ-ქიმიური კვლევის შედეგები.ნაშრომი განკუთვნილია მაგისტრანტებისა და თანამედროვე თეორიული ქიმიის საკითხებით დაინტერესებული მკითხველისათვის.