მთავარი - საგამომცემლო სახლი

	პ. კოღუაშვილი, ჯ. ფანჩულიძე მიწის ადმინისტრირება და მიწათსარგებლობის მონიტორინგი უაკ: 711.142:711.14 სახელმძღვანელო შედგენილია უცხოური და სამამულო ლიტერატურის შესწავლისა და გაანალიზების შედეგად და პასუხობს თანამედროვე მოთხოვნებს. მიწის, როგორც სახელმწიფოს უმნიშვნელოვანესი და განსაკუთრებული რესურსის, სწორად მართვისათვის, ამ დარგში არსებული საკანონმდებლო ბაზის ათვისების, მიწის დაცვისა და რაციონალურად გამოყენების პრინციპების ცოდნისათვის აუცილებელია თანამედროვე სპეციალისტის მომზადება. საქართველოში იბეჭდება პირველად. ვიმედოვნებთ, სახელმძღვანელო მნიშვნელოვან წვლილს შეიტანს დარგისათვის მომავალი სპეციალისტების მომზადების საქმეში. განკუთვნილია ეკონომიკის, ბიზნესის ადმინისტრირების, აგრონომიულის, საინჟინრო გეოდეზიის, სატყეო და მელიორაციის სპეციალობების სტუდენტებისთვის, დიდ დახმარებას გაუწევს სახელმწიფო მოხელეებს, მიწის მართვის სპეციალისტებს, იურისტებს და ეკოლოგებს.
	თ. ჯანგველაძე რიცხვითი ანალიზის საწყისები უაკ: 519.6 წიგნი დაწერილია რიცხვითი ანალიზის საკითხებისადმი მიძღვნილი მოქმედი სი-ლაბუსების მიხედვით. იგი დაფუძნებულია იმ ლექციების ნაწილზე, რომელსაც ავტორი წლების განმავლობაში კითხულობდა და კითხულობს ივანე ჯავახიშვილის სახელობის თბილისის სახელმწიფო უნივერსიტეტში, საქართველოს ტექნიკურ უნივერსიტეტში, სოხუმის, ილიასა და კავკასიის უნივერსიტეტებში. სახელმძღვანელო გამოადგებათ გამოყენებითი და გამოთვლითი მათემატიკის, ინფორმატიკის, მართვის თეორიის, დიფერენციალურ განტოლებათა თეორიის, ფიზიკის, ინჟინერიისა და სხვა სპეციალობების სტუდენტებს, მაგისტრანტებს, დოქტორანტებს და მეცნიერ-თანამშრომლებს. იგი ასევე სასარგებლო იქნება სხვადასხვა დარგის წარმომადგენელთა იმ წრისთვისაც, რომელთაც ბუნებრივად უწევთ რიცხვითი ანალიზის საკითხების გამოყენება.
	ალ. ახვლედიანი, ავ. გოგოლაძე, გ. ახვლედიანი, ირ. გოგოლაძე, ნ. ნარიმანიძე სამდინარო ჰიდროტექნიკურ ნაგებობათა მშენებლობის ორგანიზაცია და წარმოება I ნაწილი სამდინარო ჰიდროტექნიკურ ნაგებობათა მშენებლობის საერთო საკითხები უაკ: 626/627 წიგნში განხილულია ჰიდროტექნიკურ სამუშაოთა ის ძირითადი მიმართულებები, რომლებიც გვხვდება სამდინარო ჰიდროტექნიკური და ჰიდროენერგეტიკული ობიექტების მშენებლობის დროს, ჰიდროენერგეტიკულ ნაგებობათა მშენებლობის ორგანიზაციის და წარმოების საერთო საკითხები; მიწის სამუშაოების ორგანიზაცია და წარმოება; ბეტონი და ბეტონის სამუშაოები. სპეციალური სამუშაოების ორგანიზაცია და წარმოება. განკუთნილია საქართველოს ტექნიკური უნივერსიტეტის სამშენებლო ფაკულტეტის ჰიდროინჟინერიის სპეციალობის სტუდენტებისათვის. შეიძლება გამოიყენოს სამშენებლო ფაკულტეტის სხვა სპეციალობის სტუდენტებმაც, ასევე საპროექტო და სამშენებლო დარგის სპეციალისტებმა, რომლებიც ჰიდროსაინჟინრო ან ჰიდროენერგეტიკულ სფეროში მოღვაწეობენ.
	ალ. ახვლედიანი, ავ. გოგოლაძე, გ. ახვლედიანი, ირ. გოგოლაძე, ნ. ნარიმანიძე სამდინარო ჰიდროტექნიკურ ნაგებობათა მშენებლობის ორგანიზაცია და წარმოება II ნაწილი მიწის სამუშაოები ჰიდროტექნიკური მშენებლობის დროს უაკ: 626/627 წიგნში განხილულია ჰიდროტექნიკურ სამუშაოთა ის ძირითადი მიმართულებები, რომ-ლებიც გვხვდება სამდინარო ჰიდროტექნიკური და ჰიდროენერგეტიკული ობიექტების მშენებლობის დროს, ჰიდროენერგეტიკულ ნაგებობათა მშენებლობის ორგანიზაციის და წარმოების საერთო საკითხები; მიწის სამუშაოების ორგანიზაცია და წარმოება; ბეტონი და ბეტონის სამუშაოები. სპეციალური სამუშაოების ორგანიზაცია და წარმოება. განკუთნილია საქართველოს ტექნიკური უნივერსიტეტის სამშენებლო ფაკულტეტის ჰიდროინჟინერიის სპეციალობის სტუდენტებისათვის. შეიძლება გამოიყენოს სამშენებლო ფაკულტეტის სხვა სპეციალობის სტუდენტებმაც, ასევე საპროექტო და სამშენებლო დარგის სპეციალისტებმა, რომლებიც ჰიდროსაინჟინრო ან ჰიდროენერგეტიკულ სფეროში მოღვაწეობენ.
	Н. Берая, Л. Токадзе, Е. Гварамия КОМПЬЮТЕРНАЯ ГРАМОТНОСТЬ უაკ: 004.9 В данном учебнике рассматриваются основные вопросы, которые позволят студентам первого курса приобрести необходимые навыки для работы с компьютером. Представленный учебник позволит студентам изучить новый интерфейс операционной системы Winsows 10, инструменты популярных приложений Microsoft Office 2019, таких как Word, Excel, PowerPoint, Visio, а также ознакомиться с различными сервисами Google. Кроме того, студенты овладеют основами академического письма, ознакомятся с правилами оформления курсовых работ, проектов, докладов. В учебнике также затронуты этические вопросы в научно-исследовательской деятельности, рассмотрены принципы работы антиплагиатных программ. Учебник предназначен для студентов факультета информатики и систем управления Грузинского технического университета. Также он будет полезен любым читателям, желающим овладеть навыками работы с популярными прикладными программами.
	თ. ბარაბაძე, ნ. ზაუტაშვილი, მ. მაჭარაძე ნავთობისა და გაზის დაგროვების ძებნისა და ძიების მეთოდიკა უაკ: 622.28 სათბობ-ენერგეტიკული კომპლექსის რესურსული ბაზის შესწავლისა და განვითარების აქტუალური ამოცანების გადაწყვეტაში პროფესიული მონაწილეობისათვის, ნავთობისა და გაზის კომპანიების მოღვაწეობის ეფექტური გეოლოგიური უზრუნველყოფისათვის გეოლოგი უნდა ფლობდეს ნახშირწყალბადების საბადოების პროგნოზის, ძებნის, ძიებისა და შეფასების თანამედროვე მეთოდებს, უნდა იცოდეს გეოლოგიურ-საძიებო სამუშაოების წარმოების ტექნიკური საშუალებები, მათი ეკონომიკა და ორგანიზაცია. წინამდებარე სახელმძღვანელო განკუთვნილია `ნავთობისა და გაზის საქმის მიმართულების მაგისტრანტებისათვის.
	ა. საყვარელიძე პორტები და საპორტო ნაგებობები II ნაწილი უაკ: 725.34 სახელმძღვანელოში განხილულია ჰიდროტექნიკური საზღვაო ნაგებობების დაპროექტების ძირითადი დებულებები; საზღვაო ჰიდროტექნიკურ ნაგებობებში გამოყენებული მასალები, მათი სახეობები და თვისებები; ნაგებობებში გამოყენებული კონსტრუქციებისა და მასალების კოროზიისგან დაცვის საკითხები; პორტის შემომზღუდავი, გემმისადგომი და სპეციალური დანიშნულების ტალღადამცავი ნაგებობები, მათი კლასიფიკაცია და კონსტრუქციები; ნაგებობების დანიშნულება და გამოყენების სფეროები. მოცემულია ნაგებობებზე მოსული დატვირთვა და ზემოქმედება, ნაგებობათა ძირითადი საანგარიშო მაჩვენებლები და მათი გაანგარიშების საკითხები, ასევე ამრიდი და გემთსაბმელი მოწყობილობები, გემთსაშენი და გემთსარემონტო ქარხნების ჰიდროტექნიკური ნაგებობები, დოკები, საპორტო ნაპირდამცავი ჰიდროტექნიკური ნაგებობები, ნაგებობების კლასიფიკაცია, გაანგარიშებები და გამოყენების ასპექტები. გამოცემა განკუთვნილია უმაღლესი სასწავლებლების სამშენებლო ფაკულტეტის ბაკალავრიატის, მაგისტრატურისა და დოქტორანტურის სტუდენტებისათვის.
	რ. იმედაძე, თ. მაღრაძე, გ. ყიფიანი, მ. წიქარიშვილი, თ. ხმელიძე ძველი განაშენიანების საცხოვრებელი სახლების ტექნიკური ექსპერტიზა უაკ: 624. წიგნში მოცემულია XVIII საუკუნის ბოლოსა და XX საუკუნის დასაწყისში ჩვენს ქვეყანაში აშენებული საცხოვრებელი სახლების ტექნიკური ექსპერტიზის ჩატარების მეთოდიკა. განხილულია პრობლემების ფართო წრე, რომლებიც წარმოიშობა შენობების შემდგომი ექსპლუატაციის შესაძლებლობის განსაზღვრასთან, დაპროექტებასთან, კაპიტალური რემონტის ჩატარებასა და საცხოვრებელი ფართობების რეკონსტრუქციასთან დაკავშირებით. განსაკუთრებული ყურადღებითაა შესწავლილი ნორმალური ექსპლუატაციისათვის ვადაგასული შენობების აღდგენისა და რესტავრაციის საკითხები. სახელმძღვანელო განკუთვნილია სამშენებლო ფაკულტეტის სამივე საფეხურის სტუდენტების, ინჟინრების, დამპროექტებლების, მეცნიერი თანამშრომლების, მშენებელი ექსპერტების (ევროპულ ქვეყნებში „სერვეიერი“) და ამ საქმით დაინტერესებული ყველა პირისათვის.
	დ. გურგენიძე, რ. დიაკონიძე ზოგადი ჰიდროლოგია უაკ: 551.48 სახელმძღვანელოში მოკლე კურსი, განხილულია ხმელეთის ჰიდროლოგიის, მათ შორის საინჟინრო ჰიდროლოგიის, ჰიდრომეტრიისა და ჩამონადენის რეგულირების საკითხები. სალექციო კურსი მნიშვნელოვან დახმარებას გაუწევს სტუდენტებს და ჰიდროლოგიური მეცნიერებით დაინტერესებულ პირებს. სახელმძღვანელო ეძღვნება საქართველოს ტექნიკური უნივერსიტეტის დაარსების 100 წლის იუბილეს.