უაკ: 628.5
სახელმძღვანელოში განხილულია საწარმო სანიტარიის პრობლემები, სანიტარიული ღონისძიებების შესრულების მეთოდები, ხერხები.
აღწერილია სამუშაო გარემოს სანიტარიული მოწყობის პრინციპები, სანიტარიულ-ჰიგიენური მდგომარეობა, სანიტარიულ-ეპიდემიასაწინააღმდეგო მოთხოვნები, საერთო მოთხოვნები მომუშავეების, ინვალიდების, არასრულწლოვნების შრომის პირობებისადმი, აუცილებელი სანიტარიული სწავლების მოწყობა. ასევე აღწერილია მომუშავეებისათვის სანიტარიულ-საყოფაცხოვრებო მოწყობილობები და მათ მიმართ წაყენებული სანიტარიულ-ტექნიკური მოთხოვნები საკვები პროდუქტებისა და წყლის გადამუშავების ობიექტებისადმი. განხილულია საჰაერო გარემოს ძირითადი დამბინძურებლები, სამუშაო გარემოდან მათი მოცილების გზები, საწარმო სათავსებში კომფორტული პირობების შემქმნელი ტექნიკური მოწყობილობები, როგორიცაა სავენტილაციო, ჰაერის გათბობის, კონდიციონირების, ხელოვნური განათების სისტემები.
მოცემულია საწარმოო გარემოს მიკროკლიმატური პირობების სხვადასხვა კომბინაცია, მათი ზემოქმედების შედეგად მიმდინარე ფიზიოლოგიური ძვრები და წარმოქმნილი დაავადებები, ტექნოგენური საფრთხის წარმომქმნელი ფაქტორები, როგორიცაა: მექანიკური და აკუსტიკური რხევები, სამრეწველო გამოსხივებები, ამაღლებული და დადაბლებული ატმოსფერული წნევები, წარმოქმნილი დაზიანებები და პროფილაქტიკური ღონისძიებები.
სახელმძღვანელო განკუთვნილია საქართველოს ტექნიკური უნივერსიტეტის სამთო-გეოლოგიური ფაკულტეტის, სტუდენტებისათვის. დახმარებას გაუწევს წარმოებებში დასაქმებულ ინჟინრებს, ტექნიკურ ინსპექტორებს, უსაფრთხოების სამსახურის თანამშრომლებს და საკითხებით დაინტერესებულ პირებს.
უაკ: 63.425
სახელმძღვანელოში აღწერილია ქანების შედგენილობა და აღნაგობა, მათი კლასიფიკაციები. მოცემულია ქანების ბაზური ფიზიკური და ტექნოლოგიური თვისებები. დეტალურადაა განხილული ქანების მექანიკური, თბური, ელექტრული, მაგნიტური, რადიაციული, ჰიდრო და აეროდინამიკური თვისებები. ნაჩვენებია ქანების შედგენილობისა და აღნაგობის გავლენა მათ თვისებებზე.
მოცემულია ქანთა მასივებში მიმდინარე ბუნებრივი ფიზიკური და ადამიანის საინჟინრო საქმიანობით გამოწვეული პროცესები. ნაჩვენებია დრეკადი ტალღების ფორმირებისა და გავრცელების კანონზომიერებები; თბური, ელექტრული და მაგნიტური ველების გავრცელება და ზემოქმედება ქანთა მასივებზე; სითხეები და გაზები ქანთა მასივებში, მათი გადაადგილების თავისებურებები; მიმდინარე რადიაციული პროცესები; ბუნებრივ ძალთა და დეფორმაციათა ველები; მათი ცვლილების თავისებურებები ქანთა მასივებზე, სხვადასხვა სახის ტექნოლოგიური ზემოქმედების პროცესში; სამთო წნევა, სამთო დარტყმა, ნახშირისა და ქანის უეცარი გამოტყორცნა; ქანების თვისებების ურთიერთკავშირი და გავლენა მიმდინარე ფიზიკურ პროცესებზე; ქანთა მასივებში ფიზიკური პროცესების მიმდინარეობის კანონზომიერებათა გამოყენების შესაძლებლობები სამთო საქმესა და გეოლოგიაში, მოყვანილია კონკრეტული მაგალითები.
წიგნი განკუთვნილია სამთო-გეოლოგიური ფაკულტეტის ბაკალავრიატის საგანმანათლებლო პროგრამა „სამთო და გეოინჟინერიის“ სპეციალობის სტუდენტებისათვის.
უაკ: 004.43
სახელმძღვანელოში განხილულია თანამედროვე ობიექტზე ორიენტირებული დაპროგრამების ძირითადი პრინციპები, კერძოდ: ინკაფსულაცია, მემკვიდრეობითობა, პოლიმორფიზმი, აბსტრაქცია. სრულად არის წარმოდგენილი C++ ენის სინტაქსი, ძირითადი სტრუქტურები, მმართველი კონსტრუქციები, გამონაკლისების დამუშავების საშუალებები, სტანდარტული შაბლონების ბიბლიოთეკა (STL) და ენის გამოყენების ფართო შესაძლებლობები. მოიცავს თეორიულ წანამძღვრებს და აღწერილია პროგრამული კოდის ჩაწერისა და შესრულების პროცედურები.
სახელმძღვანელო განკუთვნილია ობიექტზე ორიენტირებული დაპროგრამების C++ ენის ასათვისებლად.
უაკ: 615.014
სახელმძღვანელოში განხილულია სითხოვანი წამლის ფორმები - წყლიანი გამონაცემები და მონახარშები, რომლებიც მცენარეული სამკურნალო ნედლეულიდან მიღებული წყლიანი გამონაწვლილებია. მცენარის სხვადასხვა ნაწილებიდან მიღებული ბიოლოგიურად აქტიური ნივთიერებების კომპლექსი – გამონაცემებისა და მონახარშების სახით ფართოდ გამოიყენება სხვადასხვა დაავადების პრევენციისა და მკურნალობისათვის.
მოცემულია რბილი წამლის ფორმების – მალამოების მიღების ტექნოლოგიური პროცესის თავისებურებები და ძირითადი მახასიათებლები. მოყვანილია მალამოების მომზადებისათვის საჭირო დამხმარე ნივთიერებები - ფუძეები და ემულგატორები, აღნიშნული ნივთიერებების გაანგარიშების მეთოდები, მალამოს მომზადების ტექნოლოგიის განსაკუთრებულობა.
ნაშრომში ასევე განხილულია დოზირებული წამლის ფორმები - სუპოზიტორიები, მოცემულია მათი დამზადებისთვის აუცილებელი წესები და რეკომენდაციები. აღნიშნული ნაშრომით, სტუდენტები სწავლობენ სუპოზიტორიების თვისებებს, მათ თავისებურებებს, სხვა წამლის ფორმებთან შედარებით მათ უპირატესობას, დამზადების ტექნოლოგიური პროცესების ძირითად მახასიათებლებს, კეთილხარისხოვნების შეფასების კრიტერიუმებს.
სახელმძღვანელო განკუთვნილია ბაკალავრიატისა და მაგისტრატურის ფარმაცევტული სპეციალობის სტუდენტებისათვის, ასევე სააფთიაქო დარგის პრაქტიკოსი მუშაკებისათვის.
უაკ: 669/66.013
სახელმძღვანელოში განხილულია ქიმიური და მეტალურგიული მრეწველობის საწარმოებში პროფესიული უსაფრთხოებისა და ჯანმრთელობის ასპექტები, ქიმიური და მეტალურგიული საწარმოებისთვის დამახასიათებელი შრომის ექსტრემალური პირობები, ძირითადი საწარმოო მავნეობები, პროფესიული დაავადებები, ტრავმატიზმის ლიკვიდაციისა და შრომის პირობების გაჯანსაღების და ჯანმრთელობის დაცვის საკითხები. ყურადღება გამახვილებულია ტექნოლოგიური პროცესების ჩატარებისა და მოწყობილობის მუშაობის უსაფრთხო პირობებზე.
გაანალიზებულია ისეთი ფაქტორებისაგან დაცვის ღონისძიებები, როგორიცაა ჰაერის დაბინძურება, ჭარბი სითბო და თბური გამოსხივება, ელექტრომაგნიტური ველი, ხმაური, ვიბრაცია, ულტრა- და ინფრაბგერა, რადიოაქტიური და ლაზერის გამოსხივება, ხანძარი და აფეთქება, გარემოს დაბინძურება. გაშუქებულია შრომის უსაფრთხოებისა და პირობების გაჯანსაღების საკითხები.
განკუთვნილია საქართველოს ტექნიკური უნივერსიტეტის სამთო-გეოლოგიური ფაკულტეტის საბაკალავრო პროგრამა „საინჟინრო უსაფრთხოებისა და საგანგებო სიტუაციების მართვის“ სპეციალობის სტუდენტებისათვის.
უაკ: 577
სახელმძღვანელო შედგება ორი ნაწილისაგან: პირველ ნაწილში მაქსიმლურად შემჭიდროებული ფორმით გადმოცემულია ზოგადი ფიზიკის ის საკითხები, რომლებიც აუცილებელია მეორე ნაწილში განხილული ბიოლოგიური პროცესების გასაგებად.
სახელმძღვანელოში საფუძვლიანადაა განხილული როგორც მოლეკულური და უჯრედის ბიოფიზიკის ელემენტები, ისე ნერვული იმპულსის გავრცელება და დედამიწაზე სიცოცხლის არსებობისათვის აუცილებელი ისეთი მნიშვნელოვანი პროცესი, როგორიცაა ფოტოსინთეზი. მოცემულია ბიოორგანიზმების თერმოდინამიკა და ენერგიის მუდმივობის კანონი. გასაგებადაა ახსნილი ცოცხალი ორგანიზმის, როგორც ღია თერმოდინამიკური სისტემის არსი. თანამედროვე ტექნოლოგიების სამყაროში განსაკუთრებით მნიშვნელოვანია რადიაციული ბიოფიზიკა, რაც მოიცავს ბიოლოგიურ ობიექტზე რადიაციის მოქმედების ტიპებსა და ეტაპებს, დოზიმეტრიას.
გამოცემა დიდ სარგებლობას მოუტანს საინჟინრო ფიზიკის ბაკალავრიატისა და მაგისტრატურის პროგრამების სტუდენტებსა და ბიოფიზიკის საკითხებით დაინტერესებულ მკითხველს.
უაკ: 550.8.02:658.382.3
სახელმძღვანელოში მოცემულია შრომის კანონმდებლობის, შრომის უსაფრთხოების სანიტარიულ-ჰიგიენური და სამედიცინო-ბიოლოგიური საფუძვლები, გეოლოგიური სამუშაოების წარმოების ადგილებზე შრომის პირობების გასაუმჯობესებელი ტექნიკური და ორგანიზაციული ღონისძიებების სისტემა. განხილულია შრომისა და საინჟინრო ფსიქოლოგიის შრომისდაცვითი ასპექტები, სახიფათო და მავნე ფაქტორების მახასიათებლები და მომუშავეთა დაცვის საშუალებები, გეოლოგიური პროფილის საწარმოო სათავსების განიავება და მათი საჰაერო გარემო, საწარმოო ტრავმატიზმის ანალიზი, ელექტრული უსაფრთხოების საფუძვლები, საწარმოო მოწყობილობა-დანადგარების, სატრანსპორტო საშუალებების ექსპლუატაციისა და დამხმარე სამუშაოების წარმოების უსაფრთხოება, სხვადასხვა სახის სპეციალური გეოლოგიური სამუშაოების წარმართვისას უსაფრთხოების ტექნიკის მოთხოვნები, აგრეთვე საველე სამუშაოების წარმოების უსაფრთხოება და სახანძრო უსაფრთხოების საფუძვლები.
სახელმძღვანელო განკუთვნილია სტუ-ის სამთო-გეოლოგიური ფა-კულტეტის ბაკალავრებისათვის.
უაკ: 543∙7(075∙8)
სახელმძღვანელოში განხილულია წონითი და ტიტრიმეტრიული (მოცულობითი) ანალიზის თეორიული საფუძვლები და პრაქტიკული მეთოდები. აღწერილია სამუშაოს შესრულების ხერხები, აპარატურა, ხელსაწყოები და ანალიზის შედეგების გამოთვლის მეთოდები. დიდი რაოდენობითაა მოცემული საკონტროლო კითხვები და ამოცანები. სახელმძღვანელო სრულ შესაბამისობაშია რაოდენობითი ანალიზის სასწავლო პროგრამასთან.
განკუთვნილია სხვადასხვა პროფილის უმაღლესი სასწავლებლების შესაბამისი ფაკულტეტების, სხვადასხვა სპეციალობის სტუდენტებისათვის.
უაკ: 665.5
სამკურნალო კოსმეტიკური და პარფიუმერული საშუალებების ტექნოლოგიაში ლაბორატორიული სამუშაოების სახელმძღვანელო. პირველად შეიქმნა და განპირობებულია პარფიუმერიისა და კოსმეტიკური ინდუსტრიის კვალიფიციური სპეციალისტების მომზადების აუცილებლობით.
სახელძღვანელოს მიზანია სტუდენტებს შეასწავლოს პარფიუმერიის, და კოსმეტიკური პროდუქტების რეცეპტურის სწორად შედგენა და დასაბუთება, რაციონალური ტექნოლოგიის არჩევის საკითხების გადაჭრა და შესაბამისი პროდუქტების ხარისხის კონტროლი. პროდუქტების თითოეული ჯგუფისთვის მოცემულია პარფიუმერიისა და კოსმეტიკური პროდუქტების რეცეპტურაში შემავალი კომპონენტების კლასიფიკაცია, კოსმეტიკური ეფექტი, მახასიათებლები, ფუნქციური დანიშნულება, ტექნოლოგია, ხარისხის კონტროლი, წარმოდგენილია ტესტური კითხვები და კითხვები თვითმომზადებისათვის. ლაბორატორიული მეცადინეობები ეფუძნება სტუდენტების დამოუკიდებელი მუშაობის პრინციპს, რაც თეორიული მასალის წინასწარ ცოდნას მოითხოვს.
სახელმძღვანელო განკუთვნილია ფარმაცევტული მიმართულების უმაღლესი სასწავლებლებისა და ამავე ფაკულტეტის სტუდენტებისათვის, ასევე გამოადგება კოსმეტოლოგიის სფეროში მომუშავე სპეციალისტებსა და სხვა დაინტერესებულ პირებს.
ავტორთა გუნდი მადლიერებით მიიღებს ნებისმიერ შენიშვნას, წინადადებას და მხედველობაში მიიღებს შემდეგ გამოცემაში.