უაკ: 612-072
დამხმარე სახელმძღვანელოში სრულყოფილად არის განხილული მასალების ფიზიკურ-ქიმიური (ინსტრუმენტული) მეთოდები - ოპტიკური (ფოტომეტრია, ლუმინესცენცია), ქრომატოგრაფიული (თხელფენოვანი, იონმიმოცვლითი, აირსითხური, მაღალეფექტური სითხური), ელექტროქიმიური (პოტენციომეტრია, კონდუქტომეტრია, პოლაროგრაფია, კულონომეტრია). დაწვრილებითაა აღწერილი ყოველი მეთოდის თეორიული საფუძვლები, გამოყენებული ძირითადი აპარატურა, ხელსაწყოების პრინციპული სქემები, პრაქტიკული გამოყენების საკითხები და სხვა, რაც აუცილებელია მათი ღრმად შესწავლისთვის.
დამხმარე სახელმძღვანელო განკუთვნილია უმაღლესი სასწავლებლების ქიმიის, ქიმიური ტექნოლოგიის, მეტალურგიისა და მასალათმცოდნეობის, ბიოტექნოლოგიის, ფარმაციის, ბიოლოგიის, ბიოსამედიცინო, სასოფლო-სამეურნეო სპეციალობების სტუდენტებისათვის, მაგისტრანტებისა და დოქტორანტებისათვის, ასევე განხილული საკითხებით დაინტერესებული პირებისთვის. ნაშრომი ერთგვარი ცნობარის როლსაც შეასრულებს ნივთიერებათა ანალიზის ფიზიკურ-ქიმიური (ინსტრუმენტული) მეთოდების შესწავლის დროს.
უაკ: 336.28
ლექციების კურსი შედგენილია სასწავლო კურსის _ „საგადასახადო საქმე“ პროგრამის მიხედვით.
საკითხები განხილულია 13 სალექციო კვირის მიხედვით. ეს საკითხებია: საგადასახადო სისტემა; საგადასახადო პოლიტიკა; გადასახადების სოციალურ-ეკონომიკური არსი; საგადასახადო სისტემის მართვის ორგანიზაცია; საშემოსავლო, მოგების, დღგ, ქონების, იმპორტის, აქციზის გადასახადები; საგადასახადო კონტროლი. ასევე, მნიშვნელოვანი ცვლილებები საქართველოს საგადასახადო კოდექსში, სპეციალური დაბეგვრის რეჟიმები და სხვ. ინფორმაცია განახლებულია 2025 წლის მარტის მდგომარეობით. თან ერთვის: საკონტროლო კითხვები; ქვიზის დავალებები; ტესტები; გამოყენებული ლიტერატურის ნუსხა.
სალექციო კურსი საინფორმაციო და აკადემიური ხასიათისაა და არ წარმოადგენს კონსულტაციას სამართლებრივ-საგადასახადო ურთიერთობის საკითხებში.
უაკ: 525.4
სალექციო კურსის მიზანია სტუდენტებს გააცნოს სამრეწველო შენობების არქიტექტურული კონსტრუქციები, მათი ელემენტები და შეერთების კვანძები. სალექციო კურსს დართული აქვს საილუსტრაციო მასალა, სამრეწველო შენობების გეგმარებითი და კონსტრუქციული გადაწყვეტის მაგალითები.
სალექციო კურსი განკუთვნილია არქიტექტურისა და სამშენებლო ფაკულტეტების სტუდენტებისათვის.
უაკ: 621.921.4 620.179.5
დამხმარე სახელმძღვანელოში განხილულია საცხოვრებელი, ადმინისტრაციული, სამრეწველო და სავაჭრო ინტერიერების აღჭურვილობისათვის საჭირო ავეჯის კონსტრუირებისა და დამზადების წესები. ნაჩვენებია ავეჯის კონსტრუირების პროცესი მოცემული დავალებით, შემდეგ ესკიზების შედგენის წესებით და კონსტრუქციული ნახაზების შესრულებით.
თავმოყრილია ხის საწარმოებში ხშირად გამოყენებული ხის ჯიშების ჩამონათვალი აღწერილობით, მუშაკების ტექნოლოგიურობითა და ფოტოსურათებით. მოცემულია ვერანდის სკამის დამზადებისა და აწყობის ტექნოლოგიური პროცესი. წიგნის ეს ნაწილი ილუსტრირებულია ფოტოებით თავისი დამზადების აღწერილობით.
გამოცემა განკუთვნილია მერქნული მასალების დამუშავების სპეციალობის მიმართულების პროფესიული, საბაკალავრო და სამაგისტრო სტუდენტებისათვის, დახმარებას გაუწევს მერქნისა და მერქნული მასალების დამამუშავებელ საწარმოებში მომუშავე ინჟინრებსა და კონსტრუქტორებს პრაქტიკული საკითხების გადაჭრაში.
უაკ: 621.921.4.620.179.5
დამხმარე სახელმძღვანელოში მოცემულია ხის ტანისა და ნაწილების დასახელება თავისი აღწერილობით. მოყვანილია ხის სხვადასხვა ჯიშის მიკროსკოპული აგებულობის სქემები. განხილულია მერქნის ქიმიური შედგენილობა, აგრეთვე სხვადასხვა ჯიშის თბოუნარიანობა და სიმხურვალე.
დამხმარე სახელმძღვანელოში განხილულია მერქნის ფიზიკური თვისებების დადგენის წესები. მოცემულია უამრავი დანადგარების სქემები. თავისი აღწერილობებით და გამოყენების წესებით, რითაც სტუდენტს შეუძლია მერქნის გარკვეული ფიზიკური პარამეტრის გაზომვა. მოცემულია უმთავრესი სამრეწველო მერქნის ჯიშების ჩამონათვალი მოკლე აღწერითა და დახასიათებით.
დამხმარე სახელმძღვანელოში მოყვანილია კომპოზიციური მასალები, მათ შორის შეწებებული ფანერა, მერქნის ბოჭკოს ფილები, მერქნის ბურბუშელას ფილები და მერქანშერეული პლასტიკები.
გამოცემა განკუთვნილია მერქნული მასალების სპეციალობის მიმართულების პროფესიული, საბაკალავრო და სამაგისტრო სტუდენტებისათვის.
უაკ: 62.85
მეთოდურ მითითებებში წარმოდგენილია ლაბორატორიული სამუშაოები ჰიდრო და პნევმოამძრავებში, რომლებიც შეესაბამება მექანიკის ინჟინერიისა და ტექნოლოგიის ბაკალავრიატის საგანმანათლებლო პროგრამის სასწავლო კურსს. მითითებები მოიცავს ყველა საჭირო ინფორმაციას, რომელიც აუცილებელია ლაბორატორიული სამუშაოების გასამართად და შედეგების მიღწევისთვის. თითოეულ სამუშაოს აქვს სტანდარტული სტრუქტურა, რომელიც შედგება შემდეგი ელემენტებისგან: სათაური, სამუშაო დავალებები, ამოცანის აღწერა, აღჭურვილობის ნუსხა, წრედის დიაგრამები, კონტურის სქემები, სამუშაოს თანამიმდევრობის აღწერა და უსაფრთხოების ზომები.
მეთოდური მითითებები უზრუნველყოფს პროგრამა FluidSim-ით სქემების აგებას და სამუშაო სტენდებზე მათი შესრულებას. სტუდენტებს აქვთ შესაძლებლობა პრაქტიკაში გამოიყენონ მიღებული თეორიული ცოდნა. ამ პროცესში ისინი სწავლობენ სხვადასხვა ტექნოლოგიურ მეთოდებს და უსაფრთხოების საკითხებს, რაც მნიშვნელოვანია ჰიდრო და პნევმოამძრავებში სამუშაოს შესრულებისას.
განკუთვნილია სატრანსპორტო სისტემებისა და მექანიკის ინჟინერიის ფაკულტეტის სტუდენტებისთვის.
უაკ: 336
ლექციების კურსში ლოგიკური თანამიმდევრობითაა განხილული მწვანე და მდგრად ფინანსებთან დაკავშირებული შემდეგი აქტუალური საკითხები: მდგრადი განვითარების კონცეფცია, ევროკავშირის მწვანე და მდგრადი ფინანსები, საერთაშორისო ორგანიზაციებისა და სახელმწიფოს როლი მდგრადი განვითარების დაფინანსების უზრუნველყოფაში და როგორც აშშ-ის, გაერთიანებული სამეფოს, BRIGS-ის ქვეყნების, ისე საქართველოს გამოწვევები და რეალობა მწვანე და მდგრად ფინანსურ ურთიერთობებთან დაკავშირებით.
განკუთვნილია საქართველოს უმაღლესი სასწავლებლების ეკონომიკისა და ბიზნესის ადმინისტრირების მიმართულების სტუდენტებისა და პროფესორ-მასწავლებლებისათვის, მდგრადი განვითარების, მწვანე და მდგრადი ფინანსების თეორიისა და პრაქტიკის საკითხებით დაინტერესებული მკითხველთა ფართო წრისათვის.
უაკ: 004.9
ინფორმაციული ტექნოლოგიები მნიშვნელოვან როლს ასრულებს როგორც ბიზნესში, ისე სოციუმში მიმდინარე პროცესებსა და მოქალაქე-სახელმწიფოს შორის ურთიერთობაში. საინფორმაციო ტექნოლოგიები და ფართო სპექტრის საინფორმაციო და გამოთვლითი სისტემები ხდის შესაძლებელს განხორციელდეს მართვის მოქნილი და ეფექტური სტილი.
ნაშრომში განხილულია ინფორმაციული ტექნოლოგიების განვითარების გავლენა მენეჯმენტის სტილზე, საწარმოს ინფორმაციულ კულტურაზე და საზოგადოების ეკონომიკურ განვითარებაზე. განხილულია ინფორმაციის შენახვის საკითხები - მონაცემთა ბაზებისა და მონაცემთა საცავების ორგანიზება, ინფორმაციის დამუშავების ამოცანები და პროცესები, ინფორმაციული ტექნოლოგიების განვითარება მონაცემთა დამუშავებიდან ცოდნის მართვამდე.
აღწერილია ერთიანი საინფორმაციო სივრცის ფორმირების პროცესი, პრობლემები და პერსპექტივები. ინტერნეტ/ინტრანეტ ტექნოლოგიები, ბიზნესში მათი გამოყენება და როგორც ამის ლოგიკური გაგრძელება - ელექტრონული კომერცია. ნაჩვენებია საზოგადოების ინფორმატიზაციის გზაზე არსებული პრობლემები. არაფორმალური საინფორმაციო სივრცის როლი და გავლენა. განხილულია ელექტრონული მმართველობის საკვანძო საკითხები. ნაშრომში პარალელურად განხილულია ყველა ის ტექნიკური საშუალებები, რომლის გარეშეც შეუძლებელია ინფორმაციული ტექნოლოგიების განვითარება და გამოყენება აღწერილ პროცესებში.
სახელმძღვანელო განკუთვნილია სტუდენტებისათვის, რომლებიც შეისწავლიან სასწავლო კურსს ინფორმაციული ტექნოლოგიები, ინფორმაციული ტექნოლოგიები ბიზნესში და გამოყენებითი ინფორმატიკა.
უაკ: 631.361.7
დამხმარე სახელმძღვანელოში განხილულია ლითონსაჭრელი იარაღების მწარმოებელი ფირმების (AISI - ა.შ.შ, ERASTEEL - საფრანგეთი და Böhler - ავსტრია) მიერ გამოშვებული საიარაღო მასალების მარკები, ქიმიური შედგენილობა და გამოყენების არე, მათი განვითარების ტენდენციები სხვადასხვა ქვეყნის ანალოგიური პროგრამების გამოცდილების საფუძველზე.
ნათლად ჩანს, რომ სახელმძღვანელოზე მუშაობის პროცესში კრიტიკულად იქნა გაანალიზებული და ნაწილობრივ გამოყენებული განსაკუთრებით საინტერესო ლითონსაჭრელი იარაღების ნამზადების მიღების ძირითადი ტექნოლოგიური ოპერაციები, მჭრელი იარაღების მწარმოებელ მანქანათმშენებელ საწარმოს პირობეში.
განკუთვნილია მექანიკის ინჟინერიისა და ტექნოლოგიების პროგრამის სამივე საფეხურის სტუდენტებისა და ასევე ნებისმიერი მონათესავე მიმართულების ახალგაზრდა მეცნიერთათვის.