image-1
ზ. ჯაფარიძე, ლ. კობახიძე

რძის საწარმოთა მოწყობილობები

უაკ: 637.1.002.5(075.8)

დამხმარე სახელმძღვანელოში წარმოდგენილია რძის საწარმოთა ტექნოლოგიური და საერთო დანიშნულების მოწყობილობები, მოწყობილობათა სტრუქტურულ-პრინციპული და კინემატიკური სქემები. მოყვანილია მოწყობილობათა კინემატიკური და ტექნოლოგიური გაანგარიშებების საფუძვლები.

განკუთვნილია სასურსათო ტექნოლოგიის სპეციალობის ბაკალავრიატის სტუდენტებისათვის. გარკვეულ დახმარებას გაუწევს აგრეთვე შესაბამისი პროფილის სხვადასხვა საგანმანათლებლო პროგრამის სტუდენტებს და დარგის სპეციალისტებს.

 

 

image
ვ. აბაიშვილი

სამრეწველო საწარმოო პროცესები

უაკ: 65.012.122

 

 

image-1
თ. კუნჭულია

შრომის უსაფრთხოებასა და სამთო საწარმოთა აეროლოგიაში გამოყენებულ ცნებათა და ტერმინთა განმარტებითი ლექსიკონი

უაკ: 622(03)

ლექსიკონში თავმოყრილია შრომის უსაფრთხოებასა და სამ-თო საწარმოთა აეროლოგიაში გამოყენებული, ასევე ამ სფეროში ფართოდ გავრცელებული ზოგიერთი ზოგადი ტექნიკური ცნება და ტერმინი, რომელიც ანბანის მიხედვითაა დალაგებული.

ლექსიკონი გათვლილია სამთო-მომპოვებელი და სამრეწველო საწარმოების, აგრეთვე სამეცნიერო-კვლევითი დაწესებულებების სპეციალისტებისა და უმაღლესი სასწავლო დაწესებულებებისა და კოლეჯების სტუდენტებისათვის.

 

 

image-1
მზ. მილაშვილი

სპორტულ-სანახაობითი ღონისძიებების დაგეგმვა

უაკ: 796.06

დამხმარე სახელმძღვანელოში განხილულია სხვადასხვა ტიპის, ფორმატისა და მასშტაბის სპორტულ-სანახაობითი ღონისძიებების ჩატარებისათვის საჭირო მოსამზადებელი სამუშაოების სახეები და განხორციელების ეტაპები, სპორტულ-სანახაობითი ღონისძიებების დაგეგმვისა და ადმინისტრირებისათვის დამახასიათებელი თავისებურებები.

დამხმარე სახელმძღვანელო პროფესიული მოდულური პროგრამა „ღონისძიების ორგანიზების“ სტუდენტებისათვის გათვალისწინებული საგანმანათლებლო რესურსია და განკუთვნილია მოდულის - „სპორტულ-სანახაობითი ღონისძიების დაგეგმვის“ სწავლებისათვის.

 

 

image-1
ა. ასათიანი

სასწავლო ქეისები ბიზნესის ეთიკასა და მენეჯმენტში

უაკ: 339.15

დამხმარე სახელმძღვანელოში მოცემულია ქართული ბიზნესრეალობის ამსახველი 21 ორიგინალური და 3 გადმოქართულებული ქეისი. სავარჯიშოები მოიცავს ბიზნესის მენეჯმენტისა და ბიზნესის ეთიკის ისეთ მხარეებს, როგორებიცაა: კორპორაციული მენეჯმენტის ეთიკა, PR-მენეჯმენტი, კომუნიკაცია ბიზნესში, შესაძლო წინააღმდეგობები ეთიკასა და ბიზნესის ინტერესებს შორის, ბიზნესორგანიზაციის მორალური სტანდარტები, მომხმარებელთან ურთიერთობის ეთიკური დილემები, ბიზნესის სოციალური პასუხისმგებლობა, ეტიკეტი ბიზნესში, ბიზნესის გენდერული ასპექტები, ეთიკა საერთაშორისო ბიზნესურთიერთობებში, ინდივიდის ეთიკურობის შემოწმების ტესტები და სხვ.

კრებულს წამძღვარებული აქვს ქეისის, როგორც სწავლებისა და შეფასების მეთოდის პედაგოგიკური დახასიათება.

ქეისების კრებული გამიზნულია პრაქტიკული მეცადინეობებისათვის და იგი დახმარებას გაუწევს პროფესორ-მასწავლებლებს და სტუდენტებს ბიზნესის ეთიკისა და ბიზნესის მენეჯმენტის სასწავლო კურსების სწავლება-სწავლის პროცესში.

 

 

image-1
მ. ახობაძე, ელ. კურცხალია

გადაწყვეტილებათა მიღება ქაოსის და თამაშთა თეორიების საფუძველზე

უაკ: 004.6

დამხმარე სახელმძღვანელოს მიზანია მკითხველს გააცნოს ქაოსისა და თამაშთა თეორიის ძირითადი ცნებები. ხშირად, ამა თუ იმ პრაქტიკული ამოცანის გადაწყვტისას, გადაწყვეტილების მიღება გვიწევს განუზღვრელობის პირობებში. ამიტომ მნიშვნელოვანია ისეთი მეთოდების ცოდნა, რომლებიც დაგვეხმარებიან სიტუაციების ანალიზისა და ოპტიმალური გადაწყვეტილების მიღების პრობლემების დაძლევაში. ამ მიმართულებით ერთ-ერთი მძლავრი იარაღია ქაოსისა და თამაშთა თეორიები. წიგნში მრავლადაა მოყვანილი მაგალითები და მოდელები, რომელთა გაცნობა გაუადვილებს მკითხველს ძირითადი იდეებისა და მეთოდების აღქმასა და მათ პრატიკულ გამოყენებას.

წიგნი შედგენილია იმ ლექციების საფუძველზე, რომელიც იკითხება საქართველოს ტექნიკური უნივერსიტეტის ინფორმატიკისა და მართვის სიტემების ფაკულტეტის დოქტორანტურაში. ვფიქრობთ, ის საინტერესო იქნება გადაწყვეტილების მიღების საკითხებით დაინტერესებული სტუდენტებისა და მეცნიერებისათვის.

 

 

image
ლ. ხარატიშვილი

საინფორმაციო-საზომი სისტემები
მეტროლოგიური უზრუნველყოფა

უაკ: 659

დამხმარე სახელმძღვანელოში განხილულია გამოსაკვლევი ობიექტების შესახებ ინფორმაციის გარდაქმნის ზოგადი საკითხები. განსაკუთრებული ყურადღება ეთმობა საინფორმაციო-საზომი სისტემების აგების პრინციპებს, მათ შედგენილობას, ასეთი სისტემების შესასრულებლად სამუშაოების ჩამონათვალს აგების სხვადასხვა სტადიაზე, მათი ფუნქციონირების სახეებს და გამოყენების საკითხებს.

მეტროლოგიური უზრუნველყოფის პოზიციიდან მოცემულია სსს-ის დამუშავების, წარმოების, დანერგვისა და ექსპლუატაციის საკითხები, მეტროლოგიური მახასიათებლების განსაზღვრა, მათი ნორმირების და რეგლამენტაციის საკითხები გამოყენების სფეროების შესაბამისად.

განხილულია ასევე სსს-ის მეტროლოგიური ობიექტების საზომი არხებისა და მათი მდგენელების, გამომთვლელი კომპონენტების მეტროლოგიური მახასიათებლების ნამდვილი მნიშვნელობების განსაზღვრის სხვადასხვა მეთოდი, მეტროლოგიური უზრუნველყოფის გარკვეული საკითხები: გამოცდა, დამოწმება, დაკალიბრება, სტატისტიკური დამუშავებისათვის ღონისძიებების დასახვა.

დამხმარე სახელმძღვანელო განკუთვნილია უმაღლესი ტექნიკური სასწავლებლის სტუდენტებისთვის, მაგისტრანტებისა და დოქტორანტებისთვის, შესაძლოა აგრეთვე გამოიყენონ სპეციალისტებმა, რომლებიც საზომი ტექნოლოგიების სფეროში მუშაობენ.

 

 

image
მ. მარდაშოვა, ხ. ავალიანი

მიწისქვეშა წყლების ძებნა-ძიება

უაკ: 55/556

სალექციო კურსში განხილულია ჰიდროგეოლოგიური კვლევის საკითხები წყალმომარაგებისათვის, მიწისქვეშა წყლების რეჟიმის და გრუნტის წყლების დონის ხელოვნური დაწევის საკითხები, მინერალური და ნავთობის წყლების კვლევა.

სალექციო კურსი განკუთვნილია ჰიდროგეოლოგიის სპეციალობის მაგისტრანტებისათვის და ასევე დაეხმარება გეოლოგიის დარგის სხვა სპეციალობის სტუდენტებსაც.

 

 

image-1
ლ. ხარატიშვილი

საინფორმაციო-საზომი სისტემები
მეტროლოგიური უზრუნველყოფა

უაკ: 659

დამხმარე სახელმძღვანელოში განხილულია გამოსაკვლევი ობიექტების შესახებ ინფორმაციის გარდაქმნის ზოგადი საკითხები. განსაკუთრებული ყურადღება ეთმობა საინფორმაციო-საზომი სისტემების აგების პრინციპებს, მათ შედგენილობას, ასეთი სისტემების შესასრულებლად სამუშაოების ჩამონათვალს აგების სხვადასხვა სტადიაზე, მათი ფუნქციონირების სახეებს და გამოყენების საკითხებს.

მეტროლოგიური უზრუნველყოფის პოზიციიდან მოცემულია სსს-ის დამუშავების, წარმოების, დანერგვისა და ექსპლუატაციის საკითხები, მეტროლოგიური მახასიათებლების განსაზღვრა, მათი ნორმირების და რეგლამენტაციის საკითხები გამოყენების სფეროების შესაბამისად.

განხილულია ასევე სსს-ის მეტროლოგიური ობიექტების საზომი არხებისა და მათი მდგენელების, გამომთვლელი კომპონენტების მეტროლოგიური მახასიათებლების ნამდვილი მნიშვნელობების განსაზღვრის სხვადასხვა მეთოდი, მეტროლოგიური უზრუნველყოფის გარკვეული საკითხები: გამოცდა, დამოწმება, დაკალიბრება, სტატისტიკური დამუშავებისათვის ღონისძიებების დასახვა.

დამხმარე სახელმძღვანელო განკუთვნილია უმაღლესი ტექნიკური სასწავლებლის სტუდენტებისთვის, მაგისტრანტებისა და დოქტორანტებისთვის, შესაძლოა აგრეთვე გამოიყენონ სპეციალისტებმა, რომლებიც საზომი ტექნოლოგიების სფეროში მუშაობენ.