მთავარი - საგამომცემლო სახლი

	ლ. ჩხეიძე, ნ. მაჭავარიანი, ნ. ჯვარელია საინჟინრო უსაფრთხოება და საგანგებო სიტუაციის მართვა მეთოდიკური მითითებები უაკ: 65.012.8 მეთოდიკურ მითითებებში განხილულია საბაკალავრო ნაშრომში საინჟინრო უსაფრთხოებისა და საგანგებო სიტუაციების მართვის ღონისძიებების სტრუქტურა და ჩამონათვალი, განსახილველი საკითხების მოკლე შინაარსი. რეკომენდებულია საწარმოო ობიექტზე უსაფრთხოების ტექნიკის, სამრეწველო სანიტარიისა და ჰიგიენის, სახანძრო პროფილაქტიკის საკითხების განხილვის თანამიმდევრობა, მოყვანილია შრომის უსაფრთხოების საკანონმდებლო ნორმატიული აქტების მოთხოვნები, აგრეთვე საგანგებო სიტუაციებში მოსახლეობისა და ეკონომიკის ობიექტის პერსონალის დაცვის მოთხოვნები. გამოცემა განკუთვნილია საქართველოს ტექნიკური უნივერსიტეტის საბაკალავრო-საგანმანათლებლო პროგრამა „საინჟინრო უსაფრთხოება და საგანგებო სიტუაციების მართვის“ „გარემოს ინჟინერიისა და უსაფრთხოების ბაკალავრის“ კვალიფიკაციის სტუდენტებისათვის.
	თ. ცერცვაძე, ბ. გოგიჩაშვილი მეტალურგიული საწარმოების ძირითადი მოწყობილობები და საპროექტო გადაწყვეტა უაკ: 669. 16.013; 669. 01. 09(075.8) დამხმარე სახელმძღვანელოში განხილულია შავი ლითონების მეტალურგიული საწარმოების: თუჯის, ფეროშენადნობებისა და ფოლადის გამოსადნობი საამქროების ძირითადი და დამხმარე მოწყობილობების მუშაობისა და კონსტრუქციული თავისებურებების საკითხები. ნაშრომში წარმოდგენილია ძირითად და დამხმარე საამქროებში მოწყობილობების რაოდენობის ანგარიში. აგრეთვე მოცემულია საამქროების დაგეგმარების გამარტივებული მეთოდები და მისი ეკონომიკური შეფასების ასპექტები. გამოცემა განკუთვნილია მეტალურგიის სპეციალობის ბაკალავრიატისა და მაგისტრატურის სტუდენტებისათვის, აგრეთვე მეტალურგიის საწარმოებში მომუშავე ინჟინერ-ტექნიკური პერსონალისათვის.
	ა. დუნდუა კომპიუტერული სისტემების ტექნიკური საშუალებები (HARDWARE) უაკ: 004 დამხმარე სახელმძღვანელო შეიცავს კომპიუტერული სისტემების ტექნიკური საშუალებების ფორმირებისა და განვითარების საკვანძო საკითხებს, რომელთა შესწავლა გათვალისწინებულია სასწავლო დისციპლინით „კომპიუტერული სისტემები და გამოყენებითი ტექნოლოგიები“. მასში გადმოცემულია კომპიუტერული სისტემების წარმოქმნის წინაპირობები, ფორმულირებულია კომპიუტერის აგების კლასიკური პრინციპები და მათი ევოლუციური განვითარების გზა. დიდი ადგილი აქვს დათმობილი თანამედროვე პერსონალური კომპიუტერების ტექნიკური აღჭურვილობის, სტრუქტურული აგებულებისა და ფუნქციონირების თავისებურებების განხილვას. წიგნი განკუთვნილია სატრანსპორტო და მანქანათმშენებლობის ფაკულტეტის „ტრანსპორტის“, „საგზაო ინჟინერიისა“ და „ბიზნესის ორგანიზაციისა და მართვის“ საგანმანათლებლო პროგრამათა ბაკალავრებისათვის. შეიძლება გამოყენებული იქნეს ტექნიკური პროფილის მაგისტრანტების, სპეციალისტებისა და კომპიუტერული სისტემებით დაინტერესებულ ადამიანთა ფართო წრისათვის.
	ა. დუნდუა კომპიუტერული სისტემების პროგრამული საშუალებები (SOFTWARE) უაკ: 004.4 დამხმარე სახელმძღვანელო შეიცავს კომპიუტერული სისტემების პროგრამული საშუალებების ფორმირებისა და განვითარების საკვანძო საკითხებს, რომელთა შესწავლა გათვალისწინებულია სასწავლო დისციპლინით „კომპიუტერული სისტემები და გამოყენებითი ტექნოლოგიები“. მასში გადმოცემულია კომპიუტერული სისტემების პროგრამული უზრუნველყოფის სახეები, კლასიფიკაცია, აგებისა და ფუნქციონირების საფუძვლები. დიდი ადგილი აქვს დათმობილი ტექსტების დამუშავებისა და ცხრილური გამოთ-ვლების ტექნოლოგიათა საკვანძო საკითხების განხილვას. წიგნი განკუთვნილია სატრანსპორტო და მანქანათმშენებლობის ფაკულტეტის „ტრანსპორტის“, „საგზაო ინჟინერიისა“ და „ბიზნესის ორგანიზაციისა და მართვის“ საგანმანათლებლო პროგრამათა ბაკალავრებისათვის. შეიძლება გამოყენებული იქნეს ტექნიკური პროფილის მაგისტრანტების, სპეციალისტებისა და კომპიუტერული სისტემებით დაინტერესებულ ადამიანთა ფართო წრისათვის.
	გ. ქვარცხავა, მ. გვერდწითელი ზოგადი ქიმიის რჩეული თავები ატომებისა და მოლეკულების აღნაგობა, ქიმიური ბმა I ნაწილი უაკ: 546 დამხმარე სახელმძღვანელოში განხილულია ზოგადი ქიმიის კურსის უმნიშვნელოვანესი საკითხები - ატომისა და მოლეკულის აღნაგობა, ქიმიური ბმა. ნაშრომი განსაზღვრულია ტექნიკური უნივერსიტეტის ბაკალავრიატის სტუდენტებისათვის.
	ზ. ქვათაძე, ბ. ფარჯიანი, ვ. გიორგაძე მარკოვის ჯაჭვები და მათი გამოყენება უაკ: 519.2 სალექციო კურსში მოცემულია მარკოვის სასრული ჯაჭვების ზოგადი თეორია. განხილულია მდგომარეობათა კლასიფიკაცია და მარკოვის რეგულარული ჯაჭვის გამოყენების მაგალითები. სალექციო კურსი განკუთვნილია მაგისტრატურის სწავლების ალბათობის თეორიისა და მათემატიკური სტატისტიკის მიმართულების სტუდენტებისათვის, აგრეთვე, სხვადასხვა სოციოლოგიურ მოდელში მარკოვის ჯაჭვების გამოყენებით დაინტერესებული წრისათვის.
	ზ. ღვინიაშვილი, ვ. ქირია მეთოდიკური მითითებები ლაბორატორიული სამუშაოების შესასრულებლად CNC ჩარხების პროგრამირებაში INVENTOR HSM-ის გამოყენებით უაკ: 621.9.06:681.326.3 დამხმარე სახელმძღვანელოში განხილულია Inventor HSM-ის გამოყენებით პროგრამული მართვის ჩარხებისათვის პროგრამების შექმნის მაგალითები. მეთოდიკური სამუშაო განკუთვნილია მექანიკის ინჟინერიის სტუდენტებისათვის.
	ვ. ქირია, ზ. ჯაფარიძე ჰიდრო- და პნევმოამძრავები უაკ: 62-85:62-82 სალექციო კურსში განხილულია ჰიდრავლიკური და პნევმატიკური ამძრავების დანიშნულება, გამოყენების სფეროები, შემადგენელი ელემენტები. მოცემულია ცალკეული ელემენტების მოქმედების პრინციპები, სტრუქტურული აღნიშვნები და კონსტრუქციული თავისებურებები. გამოცემა განკუთვნილია სატრანსპორტო და მანქანათმშენებლობის ფაკულტეტის სტუდენტებისათვის.
	ვ. ქირია მიკროპროცესორული ტექნიკა მეთოდიკური მითითებები ლაბორატორიული სამუშაოების შესასრულებლად უაკ: 578.6 დამხმარე სახელმძღვანელოში განხილულია პნევმატიკური სისტემების მართვისათვის ელექტრონული და მიკროპროცესორული ტექნიკის გამოყენების მაგალითები. ლაბორატორიულ სამუშაოებში გამოყენებულია FluidSim-P პროგრამა პნევმატიკური, ელექტრული და ალგორითმული დიაგრამების ასაგებად. მეთოდიკური მითითებები განკუთვნილია სამრეწველო ინჟინერიის პროგრამის სტუდენტებისათვის.